Наваленін

Навале́нін^[2] (гістарычная назва — Но́вы Ле́нін^[3][4]) — вёска ў Жыткавіцкім раёне Гомельскай вобласьці, на ўсходнім беразе Случы. Наваленін уваходзіць у склад Ленінскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ленін (неадназначнасьць).

Наваленін
трансьліт. Navalienin
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Ленінскі
Вышыня:	142 м н. у. м.
Насельніцтва:	14 чал. (2018)[1]
Часавы пас:	UTC+3
Тэлефонны код:	+375 2353
Паштовы індэкс:	247974
СААТА:	3216816041
Нумарны знак:	3
Геаграфічныя каардынаты:	52°19′30″ пн. ш. 27°30′38″ у. д.
Наваленін на мапе Беларусі ± Наваленін Наваленін

Назва

Вёска была заснавана пад назвай Новы Ленін^[4] ці Нова-Ленін^[3], потым мела назву Новае Леніна^[5][6]. 28 студзеня 2005 году назва вёскі па-расейску была перайменаваная з Ново-Ленино ў Ново-Ленин, пры гэтым для назвы па-беларуску ўжыта другая форма — Наваленін^[7]. Менавіта такая форма назвы ўжыта і ў даведніку 2006 году «Назвы населеных пунктаў Рэспублікі Беларусь: Гомельская вобласьць»^[2]. Да 2005 году такая назва ніколі і нідзе не ўжывалася. Пры гэтым мясцовыя жыхары працягваюць ужываць гістарычную назву Навы Ленін^[8][4].

Гісторыя

Вёску збудавалі ў 1930-я ўцекачы зь вёскі Ленін, якая ў тыя гады была ў складзе Польскай Рэспублікі.

Насельніцтва

• 1994 год — 65 жыхароў, 34 двары
• 1999 год — 45 жыхароў
• 2004 год — 40 жыхароў
• 2009 год — 25 жыхароў^[9]
• 2018 год — 14 жыхароў, 10 двароў^[1]