Навасёлкі (Івейскі сельсавет)

Навасёлкі^[1] — вёска ў Івейскім раёне Гарадзенскай вобласьці. Навасёлкі ўваходзяць у склад Івейскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Навасёлкі.

Навасёлкі лац. Navasiołki
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	30 чал. (2010)
Часавы пас:	UTC+3
Тэлефонны код:
Паштовы індэкс:	231331
Нумарны знак:	4
Геаграфічныя каардынаты:	53°51′51.998″ пн. ш. 25°36′56.002″ у. д.
Навасёлкі на мапе Беларусі ± Навасёлкі Навасёлкі

Гісторыя

У XIX — пачатку XX ст. вёска ў Івейскай воласьці Ашмянскага павету Віленскай губэрні. У 1861 годзе 55 рэвіскіх душ. У складзе маёнтку Гаўя памешчыка У. Брахоцкага. Дзейнічала народнае вучылішча (у 1902/03 навучальным годзе 58 вучняў). У 1909 годзе 33 двары, 238 жыхароў, 148 дзесяцін зямлі. У 1921—1939 гадах у Івейскай гміне Валожынскага, з 1926 году Лідзкага паветаў Наваградзкага ваяводзтва Польшчы. З 12 кастрычніка 1940 году вёска (36 двароў, 178 жыхароў) у Морынскім сельсавеце Івейскага раёну. У 1949 годзе арганізаваны калгас «Новае сяло». З 1952 году працавалі бібліятэка, фэльчарска-акушэрскі пункт. У 1970 годзе 164 жыхары. Цяпер у складзе калгасу «Прынёманскі». 18 красавіка 2017 году вёска перададзеная зь ліквідаванага Морынскага ў склад Івейскага сельсавету^[2].

Насельніцтва

• 2010 год — 30 жыхароў
• 1999 год — 23 двары, 36 жыхароў