Навозы (Гомельская вобласьць)

Наво́зы^[1] — вёска ў Беларусі. Уваходзіць у склад Шчадрынскага сельсавету Жлобінскага раёну Гомельскай вобласьці. Насельніцтва 22 чал. (2004). Знаходзіцца за 40 км на захад ад места Жлобін, за 18 км ад чыгуначнай станцыі Чырвоны Бераг (лінія Бабруйск — Жлобін), за 133 км ад Гомелю.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Навозы.

Навозы
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	22 чал. (2004)
Часавы пас:	UTC+3
Геаграфічныя каардынаты:	52°53′46″ пн. ш. 29°31′42″ у. д.
Навозы на мапе Беларусі Навозы

На захадзе і поўдні мэліярацыйныя каналы.

Гісторыя

Паводле пісьмовых крыніцаў вядомая з XIX стагодзьдзя як засьценак у Сьцяпоўскай воласьці Бабруйскага павету Менскай губэрні. У 1930 годзе арганізаваны калгас «Ударнік», працавала кузьня. У часе Вялікай Айчыннай вайны 13 жыхароў загінулі на фронце. Паводле перапісу 1959 году ў складзе калгасу імя К. Я. Варашылава (цэнтар — вёска Шчадрын).

Насельніцтва

• XIX стагодзьдзе: 1897 — 31 двор, 176 жыхароў (паводле перапісу)
• XX стагодзьдзе: 1925 — 44 двары; 1959 — 211 жыхароў (паводле перапісу)
• XXI стагодзьдзе: 2004 — 15 гаспадарак, 22 жыхары^[2]