Начка Гінівілавіч

Начка Гінівілавіч (у каталіцтве Пётар; ? — па 1455) — дзяржаўны дзяяч Вялікага Княства Літоўскага, староста берасьцейскі (1433—1446), намесьнік віцебскі (1452), кашталян троцкі (1452—1455). На Гарадзельскай уніі прыняў герб «Даліва».

Начка Гінівілавіч
лац. Načka Giniviłavič / Hiniviłavič

Герб «Даліва»
Асабістыя зьвесткі
Памёр	па 1455
Бацькі	Гінівіл
Жонка	Ганна Багдана
Дзеці	Андрэй, Міхал, Якуб, Ян, Мікалай

Магчыма, меў уладаньні каля Жосьля, таксама меў дом у Вільні. Ад вялікіх князёў атрымаў шматлікія маёнткі на Падляшшы.

Імя

Асноўныя артыкулы: Наць і Гінівіл (імя)

Ната, пазьней Нат (Nato, Nath) — імя германскага паходжаньня^[1][2]. Іменная аснова -нат- (імя ліцьвінаў Натар; германскае імя Nater) паходзіць ад старагерманскага naþ 'міласьць'^[2].

Формы імя ў гістарычных крыніцах: cum Naczkone^[3], Naczko^[4], Naczkonem^[5] (2 кастрычніка 1413 году); Naczkonis Ginywilowicz (1 верасьня 1431 году)^[6]; Naczus Gynivilowicz (15 кастрычніка 1432 году)^[7]; Naczkonis Gynivilowicz Brestensis [tenutariorum] [sigilla] (20 студзеня 1433 году)^[8]; Naczkone Capitaneo Brestensis (1441 год)^[9]; Petrus Nacz, Onacz(ko), Наць Кгинивилович^[10].

Біяграфія

Зь літоўскага баярскага роду, сын Гінівіла, старосты троцкага. Быў у сваяцтве зь Пятром Лелюшам.

Быў старостам берасьцейскім у 1433—1446 гадох, намесьнікам віцебскім у 1452 годзе, кашталянам троцкім у 1452—1455 гадох. Існуюць зьвесткі пра тое, што за Вітаўтам і Жыгімонтам Кейстутавічам быў старостам дарагічынскім. У 1440 годзе падтрымаў Міхала Жыгімонтавіча. У 1446 і 1453 гадох браў удзел у пасольствах у Польшчу.

У шлюбе з Ганнай Багданай, дачкой Карэйвы, меў сыноў Андрэя, Міхала, Якуба, Яна і Мікалая.

Фундаваў касьцёл у Жосьлях^[11].

Мова і культура

Асноўныя артыкулы: Ліцьвіны і Русіны

Да акту Троцкай уніі (1433 год) прывесіў пячаць з рускім надпісам^[12][13]:

НАЧКА КГЕВИЛОВ[И]ЧА П[Е]Ч[А]ТЬ