Новае Ляўкова

Новае Ляўкова (па-польску: Lewkowo Stare, на мясцовай беларускай гаворцы: Новае Ляўково^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка. З 1 студзеня 2006 году афіцыйная польская назва вёскі заменяная з Nowe Lewkowo на Lewkowo Nowe^[3].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ляўкова.

Новае Ляўкова
польск. Lewkowo Nowe
Мясцовая назва:	Ляўково
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	209 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°52′45″ пн. ш. 23°43′5″ у. д.
Новае Ляўкова на мапе Польшчы Новае Ляўкова
Галерэя здымкаў у Вікісховішчы

Ля вёскі праходзіць ваяводзкая дарога 687.

Насельніцтва

Жыхары вёскі ў большасьці этнічныя беларусы, праваслаўныя (прыход ў Старым Ляўкове^[4]). Каталіцкая частка насельніцтва (парафія Нараўка^[5]) па этнічных ідэнтыфікацыях — польская.

Гісторыя

Гісторыя вёскі цесна зьвязаная з суседнім Старым Ляўковам. Каля паловы 19 ст. на землях вёскі былі заснаваныя новыя парафіяльныя могілкі, на якіх у 1853 годзе пабудаваная была капліца (зараз на могілках стаіць Васкрасенская капліца пабудаваная ў 1965 годзе)^[2]. У міжваенны пэрыяд Старое Ляўкова прыналежала да гміны Тарнаполь (адміністрацыя гміны знаходзілася ў Луцы) Ваўкавыскага павету(be) Беластоцкага ваяводзтва. Паводле польскага перапісу насельніцтва 1921 г. пражывалі тут 185 жыхароў (177 беларускай нацыянальнасьці, 8 палякаў)^[6]. На пераломе ліпеня і жніўня 1941 году вёска была спаленая нямецкай паліцыяй, а жыхары выгнаныя. Вярнуліся на месца толькі пасьля вайны^[2].