Павал Галавенка

Па́вал Галаве́нка (нар. 12 студзеня 1997 году) — беларускі футбаліст, брамнік польскага клюбу «Жырардавянка».

Павал Галавенка
Пэрсанальная інфармацыя
Нарадзіўся	12 студзеня 1997(1997-01-12)[1] (28 гадоў) Менск, Беларусь
Рост	180 см
Вага	75 кг
Пазыцыя	брамнік
Клюбы
Гады	Клюб	Гульні (галы)¹
2016—2019	Менск	9 (0)
2019	→ Ліда	0 (0)
2020—2021	Арсэнал Койданаў	14 (0)
2022	Жодзін-Паўднёвы	6 (0)
Зборныя
2017	Беларусь (да 21)	1 (0)

Кар’ера

Клюбная

Выхаванец футбольнага клюбу «Менск», з 2014 году пачаў выступаць за клюбны дубль. У 2015 годзе пачаў таксама прыцягвацца да асноўнай каманды, а таксама гуляў за «Менск» у Юнацкай лізе УЭФА. 21 верасьня 2016 году дэбютаваў у асноўнай камандзе «Менску» ў матчы 1/8 фіналу Кубка Беларусі супраць «Баранавічаў» (3:2), правёўшы на полі ўсе 120 хвілінаў матчу ўлучна з дадатковым часам. 2 кастрычніка 2016 году дэбютаваў у Найвышэйшай лізе ў матчы супраць «Гарадзеі» (3:1), выйшаўшы на замену на 34-й хвіліне замест атрымаўшага траўму Андрэя Клімовіча.

У сэзоне 2017 працягваў выступаць за дубль сталічнага клюбу ды прыцягваўся да асноўнай каманды ў якасьці другога брамніка. За асноўную каманду двойчы выходзіў на поле, як то 30 чэрвеня ў Найвышэйшай лізе супраць «Крумкачоў» (0:0) і 5 ліпеня ў матчы 1/16 фіналу Кубка Беларусі супраць пінскай «Хвалі» (1:0). У сэзоне 2018 году згуляў у чатырох матчах чэмпіянату і адным кубкавым. У студзені 2019 году падоўжыў кантракт зь «Менскам»^[2]. У жніўні 2019 году далучыўся да «Ліды»^[3], дзе быў запасным брамнікам і не зьяўляўся на полі.

У сакавіку 2020 году ўзмоцніў склад койданаўскага «Арсэналу»^[4], аднак на поле выходзіў нерэгулярна. У жніўні 2021 году паводле пагадненьня бакоў пакінуў каманду^[5]. У пачатку 2022 году далучыўся да клюбу «Жодзін-Паўднёвы» ў Другой лізе, а ў верасьні перабраўся ў польскую «Жырардавянку»^[6].

Міжнародная

У кастрычніку 2015 году ў складзе зборнай Беларусі (да 19 гадоў) браў удзел у кваліфікацыйным раўндзе чэмпіянату Эўропы. У якасьці асноўнага брамніка правёў усе 3 матчы і прапусьціў 5 галоў. 10 лістапада 2017 году дэбютаваў у зборнай Беларусі (да 21 году), правёўшы на полі ўсе 90 хвілінаў у таварыскім матчы супраць зборнай Летувы (0:0).

Статыстыка

Клюб	Сэзон	Чэмпіянат
		Дывізіён	Матчы	Галы
Менск	2016	Найвышэйшая ліга	1	–1
	2017	Найвышэйшая ліга	1	–0
	2018	Найвышэйшая ліга	4	–8