Паляі

Паміж Паляямі і вёскай Вароны разьмяшчаецца лес, у якім, паводле сьцьверджаньня мясцовых жыхароў, у 1930—1940-х гадох органы НКУС праводзілі масавыя расстрэлы мірных людзей. У 1980-х гадох пошукам сьлядоў забойстваў у Паляях займаўся Якаў Рыжык. Зь ягонай ініцыятывы 5 лістапада 1989 году каля вёскі зьявіўся першы крыж у памяць ахвяраў сталінскіх рэпрэсіяў. Пазьней ён быў заменены на шасьцімэтровы мэталёвы крыж ад праваслаўнай царквы. Крыж усталяваны за 400 м ад вёскі ў бок Віцебску каля шашы.

30 кастрычніка 2007 году ля Паляёў быў усталяваны яшчэ адзін крыж. Пасьля заканчэньня акцыі яе ўдзельнікі былі затрыманыя, пяцёра з 25 атрымалі штрафы^[3]. Празь нейкі час усталяваны тады крыж зьнік.

Беларускія актывісты намагаюцца стварыць тут алею крыжоў, падобную той, якая існуе ў Курапатах, аднак рэгулярна адбываецца зьнішчэньне памятных знакаў. Пасьля таго, як 25 верасьня 2009 году стала вядома пра зьнішчэньне яшчэ некалькіх крыжоў, у міліцыю Віцебскага раёну быў накіраваны зварот з патрабаваньнем правесьці расьсьледаваньне па гэтым факце. Аднак у правядзеньні сьледзтва было адмоўлена на падставе малой сумы зьнішчанай маёмасьці, якая склала, паводле ацэнак экспэртаў, 132 тысячы 450 рублёў за крыж^[4].

29 кастрычніка 2009 году на месцы былых крыжоў з ініцыятывы старшыні віцебскай абласной суполкі Партыі БНФ Кастуся Смолікава былі ўсталяваныя яшчэ 5 мэмарыяльных знакаў, за што пазьней Смолікаў быў аштрафаваны на дзьве базавыя велічыні (70 тысячаў рублёў)^[5]. 2 лістапада 2009 году быў пастаўлены яшчэ адзін крыж.

Паляі
Мэмарыяльныя крыжы
Краіна:	Беларусь
Вобласьць:	Віцебская
Раён:	Віцебскі
Сельсавет:	Варонаўскі
Насельніцтва:	133 чал. (2010)
Часавы пас:	UTC+3
Тэлефонны код:	+375 212
Паштовы індэкс:	211341^[1]
Нумарны знак:	2
Геаграфічныя каардынаты:	55°9′40.61″ пн. ш. 30°22′7.00″ у. д.
Паляі на мапе Беларусі ± Паляі Паляі
Галерэя здымкаў у Вікісховішчы

Месца масавых расстрэлаў

Насельніцтва

Крыніцы і заўвагі

Вонкавыя спасылкі

Wikiwand - on