Пасека (Гарадзенская вобласьць)

Па́сека^[1] — вёска ў Івейскім раёне Гарадзенскай вобласьці. Уваходзіць у склад Юрацішкаўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пасека.

Пасека лац. Pasieka
Краіна:	Беларусь
Вобласьць:	Гарадзенская
Раён:	Івейскі
Сельсавет:	Юрацішкаўскі
Насельніцтва:	13 чал. (2009)
Часавы пас:	UTC+3
Тэлефонны код:
Паштовы індэкс:	231350
СААТА:	4229857121
Нумарны знак:	4
Геаграфічныя каардынаты:	54°3′12″ пн. ш. 25°50′19″ у. д.
Пасека на мапе Беларусі ± Пасека Пасека

Гісторыя

У 2-й палове XVII стагодзьдзя вёска ў Якунскім старостве Ашмянскага павету Віленскага ваяводзтва. З пачатку XVIII стагодзьдзя ўласнасьць Францкевічаў, потым Зяньковічаў. У 1789 г. 9 дымоў, 6 валок зямлі.

У сярэдзіне XIX — пачатку XX ст. вёска ў Юрацішкаўскай воласьці Ашмянскага павету Віленскай губэрні. У 1861 адносілася да маёнтку Якунь памешчыка Дмахоўскага, 31 рэвіская душа. У 1897 г. 14 двароў, 109 жыхароў. У 1909 г. 21 двор, 136 жыхароў, якія мелі 241 дзесяціну зямлі, 46 кароў, 23 кані.

У 1921—1939 гг. у Юрацішкаўскай гміне Валожынскага павету Наваградзкага ваяводзтва Польшчы. У 1921 г. 11 двароў, 59 жыхароў.

З 12 кастрычніка 1940 году вёска (17 двароў, 82 жыхары) у Макуцкім сельсавеце Юрацішкаўскага раёну. З 26 чэрвеня 1941 году да 7 ліпеня 1944 году пад нямецкай акупацыяй. У 1949 г. арганізаваны калгас імя Ё. В. Сталіна. З 20 студзеня 1960 году ў Івейскім раёне. З 16 ліпеня 1954 году ў Юрацішкаўскім сельскім, з 3 траўня 1962 году пасялковым савеце. У 1970 г. у в. Пасека 1-я 23 жыхары, у в. Пасека 2-я 54 жыхары. Потым у складзе калгасу «Чарнэлі».

Насельніцтва

• 1999 год — 23 чалавекі, 11 двароў
• 2010 год — 13 чалавек^[2]