Пляшэвічы

Пляшэ́вічы^[1] — вёска ў Нясьвіскім раёне Менскай вобласьці. Пляшэвічы ўваходзяць у склад Ланскага сельсавету.

Пляшэвічы
трансьліт. Pliaševičy
Краіна:	Беларусь
Вобласьць:	Менская
Раён:	Нясьвіскі
Сельсавет:	Ланскі
Насельніцтва:	10 чал. (2010)
Часавы пас:	UTC+3
Тэлефонны код:	+375 1770
Паштовы індэкс:	222635
Нумарны знак:	5
Геаграфічныя каардынаты:	53°10′1″ пн. ш. 26°49′8″ у. д.
Пляшэвічы на мапе Беларусі ± Пляшэвічы Пляшэвічы
Галерэя здымкаў у Вікісховішчы

Гісторыя

28 траўня 2013 году перададзеная зь ліквідаванага Лявонавіцкага сельсавету ў Ланскі сельсавет^[2].

Насельніцтва

• 2010 год — 10 чалавек
• 1999 год — 23 чалавек

Інфармацыя для турыстаў

Помнікі архітэктуры

• Капліца Сьвятога Юзафа рамесьніка
• Магіла польскага пагранічніка, які загінуў у 1939 годзе^[3]. Прадстаўнікі Таварыства несьвіжан, жыхары гораду і раёну прынялі ўдзел у адкрыцьці помніка невядомаму пагранічніку, які загінуў у в. Пляшэвічы 17 верасьня 1939 г. На асьвячэньні магілы прысутнічалі члены Таварыства несьвіжан (таварыства палякаў-ураджэнцаў Нясьвіскай зямлі, што жывуць за мяжой), ксёндз парафіі Божага Цела ў Нясьвіжы Пётар Шарко, жыхары з в. Пляшэвічы, а тасама прадстаўнікі гораду і раёну. Усяго, паводле словаў старшыні Таварыства Ежы Буткевіча, было каля пяцідзесяці чалавек. У 1930-я гады ў Пляшэвічах, як успамінае колішняя жыхарка вёскі Галіна Асмольская, знаходзіўся корпус аховы памежжа. Малады пагранічнік, якому было крыху больш за дваццаць, загінуў тут падчас наступленьня Чырвонай Арміі ў 1939 г. Яго цела знайшлі мясцовыя жыхары, якія і пахавалі пагранічніка па ўсіх правілах. Доўгі час на магілу прыходзілі і маладыя, і старыя палякі, якія аддавалі даніну павагі загінуўшаму. Аднак пасьля на гэтае месца сталі забывацца. Вікторыя Дзявота, прапанавала сабраць сродкі для ўсталяваньня помніка, што было зроблена. Гранітную пліту даставілі ў Пляшэвічы з Варшавы.

Выхадцы

• Аркадзь Ляшчынскі (1899—1937) — намесьнік наркама асьветы БССР