Джордж Гарысан

Джордж Га́рысан (па-ангельску: George Harrison; 25 лютага 1943, Лівэрпул — 29 лістапада 2001, Лос-Анджэлес) — ангельскі рок-музыка і рок-кампазытар. Удзельнік рок-гурту The Beatles, пасьля распаду якога распачаў сольную кар’еру і працу ў гурце Traveling Wilburys. Ад прыканца 70-х да пачатку 90-х актыўна працаваў як кінапрадусар — заснаваў фірму HandMade Films.

Джордж Гарысан
па-ангельску: George Harold Harrison
Джордж Гарысан у 1974 годзе
Дата нараджэньня	25 лютага 1943(1943-02-25)[1][2][3][…]
Месца нараджэньня	12 Arnold Grove[d], Лівэрпул, Ланкашыр, Ангельшчына, Вялікабрытанія[4]
Дата сьмерці	29 лістапада 2001(2001-11-29)[1][2][3][…] (58 гадоў)
Месца сьмерці	Лос-Анджэлес, Каліфорнія, ЗША[5]
Прычына сьмерці	рак лёгкіх[6] і пухліна мозгу[d]
Месца вучобы	Вышэйшая школа Лівэрпульскага інстытуту для хлопчыкаў[d] Давдэйлзкая пачатковая школа[d][7]
Прафэсія	гітарыст, сьпявак, кампазытар
Гады дзейнасьці	1957—2001
Псэўданімы	Carl Harrison, Hari Georgeson, Nelson Wilbury, Spike Wilbury, George Harryson, George O’Hara-Smith, L'Angelo Misterioso[8], Jorge Arias[9] і Magpie
Сябра ў	The Beatles, Traveling Wilburys, The Quarrymen[d], The Beat Brothers[d], Plastic Ono Band[d] і Delaney & Bonnie[d]
Жанры	рок
Інструмэнты	гітара, сітар, укулеле, мандаліна, бас, клявішы
Псэўданімы	Carl Harrison, Hari Georgeson, Nelson Wilbury, Spike Wilbury, George Harryson, George O’Hara-Smith, L'Angelo Misterioso[8], Jorge Arias[9] і Magpie
Гурты	The Beatles, Traveling Wilburys, The Plastic Ono Band
Лэйблы	Parlophone, Capitol, Apple, Vee-Jay, EMI, Dark Horse Records
Бацька	Гаральд Гаргрыўз Гарысан[d][10]
Маці	Louise Anne Harrison[d][10]
Дзеці	Дгані Гарысан[d][7]
Узнагароды	музычная прэмія Білборду[d] Заля славы рок-н-ролу (2004) зорка на галівудзкай «Алеі славы»[d]
Сайт	georgeharrison.com
Подпіс
Джордж Гарысан у Вікісховішчы

Маладосьць і The Beatles

Маладыя гады (1943—1959)

Нарадзіўся ў каталіцкай сям’і Люізы і Харальда Харысан^[11]. Быў малодшым, чацьвёртым дзіцем у сям’і. У Джорджа была адна сястра, Люіза, якая нарадзілася 16 жнівеня 1931, і двое братоў, Хары, які нарадзіўся ў 1934 годзе, і Піцер, які нарадзіўся 20 ліпеня 1940. Бацька яго маці, Джон Фрэнч, быў родам з графства Ўэксфард ў Ірляндыі. Ён эміграваў у Лівэрпуль і ажаніўся на мясцовай дзяўчыне^[12]. [19] Бацька Джорджа, Харальд, спачатку працаваў мараком, але пазьней, каб быць бліжэй да сям’і, зьмяніў прафэсію і стаў кіроўцам аўтобуса. Маці Харысана працавала прадаўшчыцай у краме.

Ад самага нараджэньня Джорджа і да 1950 году сям’я Харысанаў пражывала па адрасе 12 Arnold Grove, у лівэрпульскім раёне Ўэйвертры. Гэта быў маленькі двухпавярховы дом радавай забудовы. Для ацяпленьня памяшканьня ў зімовы час выкарыстоўвалася печ на каменным вугле, а туалет знаходзіўся на двары, побач з куратнікам. У 1950 годзе з-за падвышэньня арэнднай платы сям’я Харысана пераехала ў іншы раён гораду па адрасе 25 Upton Green.

Напачатку Джордж вучыўся ў пачатковай школе Доўдэйл, якая месьцілася каля Penny Lane. Двума клясамі старэй у той жа школе вучыўся Джон Ленан. Пасьля Джордж паступіў у сярэднюю школу для хлопчыкаў «Ліверпульскі інстытут», першую школу ў Ліверпулі^[13], дзе і навучаўся ў пэрыяд з 1954 па 1959 год. Ён вылучаўся сярод аднагодкаў, але ня здольнасьцямі і стараньнем, а тым, што насіў модныя порткі-дудачкі, месяцамі не стрыгся і сварыўся з настаўнікам. Джордж любіў сядзець на апошняй парце і падчас урокаў рабіць замалёўкі гітар ў сваіх школьных сшытках. Ён згадваў: «Я захапляўся гітарамі. Калі я пачуў аб хлопцы ў школе, які набыў акустычную гітару за 3,10 фунта стэрлінгаў, я папрасіў гэтую суму ў маёй маці і купіў сабе сапраўды такі ж інструмент. Для нас у той час гэта былі вялікія грошы».

Джордж даволі хутка навучыўся ня толькі браць акорды, але і выконваць мудрагелістыя пасажы. Харысан пазьней казаў, што найбольш на яго паўплывалі Карл Перкінс^[14], Бо Дзідлі^[15], Чак Бэры і The Everly Brothers. Дзякуючы гітары ў Джорджа завязаліся спачатку прыяцельскія, а затым і па-сапраўднаму сяброўскія адносіны з Полам Макартні, які вучыўся ў адной зь ім школе.

Сьмерць

У жніўні 1997 году з Гарысана была выяўлена злаякасная пухліна. Пад час апэрацыі яму выдалілі частку лёгкага і пухліну гартані.

У 1999 году Гарысан быў паранены ў плячо нажом няўраўнаважаным прыхільнікам.

У 2001 годзе ў яго выявілі ракавую пухіну мазгоў. Апэрацыю рабіць было позна і немагчыма. Былі праведзеныя курсы хіміятэрапіі ў Швайцарыі. Пасьля вярнуўся ў ЗША працягваць лячэньне. Аднак гэта не дапамагло.

Ведаючы, што ў яго застаюцца лічаныя дні, Гарысан памірыўся са сваёю старэйшаю сястрою Люізаю, зь якой не размаўляў больш за 10 гадоў. 12 лістапада, за 17 дзён да сьмерці да яго ў нью-ёрскую больніцу наведаліся Рынга Стар і Пол Макартні. Яны добра бавілі некалькі гадзін жартуючы і сьмяючыся.

Пасьля Гарысан паляцеў у Лос-Анджэлес, бо хацеў правесьці апошнія дні ў доме свайго сябра Пола Макартні на Бэвэрлі-Хілз. Апошнія гадзіны правёў у коле сваіх блізкіх, якія сьпявалі мантру «Харэ Крышна». Памёр Гарысан 29 лістапада 2001 году ў 13:30 (гэта 21:30 у Вялікабрытаніі й 23:30 у Менску). Праз 9 гадзінаў сваякі і знаёмыя Гарысана правялі індуісцкі абрад і перавезьлі нябожчыка да крэматорыю. Прах быў разьвеяны 4 сьнежня над Гангам.

30 лістапада ў Лівэрпулі быў прыспушчаны брытанскі сьцяг, а каля Букінгэмскага палацу ў Лёндане гвардзейскі аркестар упершыню граў музыку The Beatles.

Узнагароды

Дыскаграфія

Год	Альбом	Фірма	Заўвагі	Найвышэйшая пазыцыя ў чартах						Сэртыфікацыя
				ЗША [16]	Вялікабрытанія [17]	Нарвэгія [18]	Японія [19]	Аўстрыя [20]	Швэцыя [21]	ЗША [22]	Вялікабрытанія [23]
1968	Wonderwall Music	Apple/EMI	Гукавая дарожка	49	-	-	-	-	-
1969	Electronic Sound	Zapple/EMI		191	-	-	-	-	-
1970	All Things Must Pass	Apple/EMI	Патройны	1	1	1	4	-	-	6-разова плятынавы
1971	The Concert for Bangla Desh	Apple/EMI (U.S.) Epic/Sony Music (UK)	Канцэртны	2	1	1	2	-	-	Залаты
1973	Living in the Material World	Apple/EMI		1	2	4	9	-	-	Залаты
1974	Dark Horse	Apple/EMI		4	-	7	18	10	-	Залаты	Срэбраны[24]
1975	Extra Texture (Read All About It)	Apple/EMI		8	16	8	9	-	-	Залаты
1976	Thirty Three & 1/3	Dark Horse		11	35	17	23	-	-	Залаты	Срэбраны[25]
1976	The Best of George Harrison	Parlophone/EMI	Зборнік	31	100	-	51	-	-	Залаты
1979	George Harrison	Dark Horse		14	39	21	38	-	-	Залаты
1981	Somewhere in England	Dark Horse		11	13	2	31	15	13
1982	Gone Troppo	Dark Horse		108	-	31	-	-	-
1987	Cloud Nine	Dark Horse		8	10	8	28	26	5	Плятынавы	Залаты[26]
1992	Live in Japan	Dark Horse/Warner Bros	Канцэртны	126	-	-	15	-	-
2002	Brainwashed	Dark Horse	Пасьмяротны	18	29	9	21	62	18	Залаты	Залаты[27]

Сынглы

• 1970 «My Sweet Lord»
• 1971 «What Is Life»
• 1971 «Bangla-Desh»
• 1973 «Give Me Love (Give Me Peace On Earth)»
• 1974 «Ding Dong, Ding Dong»
• 1975 «Dark Horse»
• 1975 «You»
• 1975 «This Guitar (Can't Keep from Crying)»
• 1976 «This Song»
• 1977 «Crackerbox Palace»
• 1977 «True Love»
• 1977 «It's What You Value»
• 1979 «Blow Away»
• 1979 «Love Comes to Everyone»
• 1979 «Faster»
• 1981 «All Those Years Ago»
• 1981 «Teardrops»
• 1982 «Wake Up My Love»
• 1982 «I Really Love You»
• 1985 «I Don't Want To Do It»
• 1987 «Got My Mind Set On You»
• 1988 «When We Was Fab»
• 1988 «This Is Love»
• 1989 «Cheer Down»
• 2002 «My Sweet Lord (2000)» (перавыданьне)
• 2003 «Any Road»
• 2003 «Stuck Inside a Cloud»

Сынглы з The Traveling Wilburys

• 1988 «Handle With Care»
• 1989 «End of the Line»
• 1990 «Nobody’s Child»
• 1990 «She’s My Baby»
• 1990 «Wilbury Twist»