Прудзіны (Менская вобласьць)

Прудзі́ны^[2] — вёска ў Заборскім сельсавеце Крупскага раёну Менскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Прудзіны.

Прудзіны
трансьліт. Prudziny
Дата заснаваньня:	XVII стагодзьдзе
Краіна:	Беларусь
Вобласьць:	Менская
Раён:	Крупскі
Сельсавет:	Заборскі
Вышыня:	171 м н. у. м.
Насельніцтва:	26 чал. (2010)[1]
Часавы пас:	UTC+3
Тэлефонны код:	+375 1796
СААТА:	6230836096
Нумарны знак:	5
Геаграфічныя каардынаты:	54°25′37.99″ пн. ш. 29°18′55.01″ у. д.
Прудзіны на мапе Беларусі ± Прудзіны Прудзіны

Гісторыя

Заснаваная ў XVII стагодзьдзі. Ва ўладаньні Станіслава Галінскага. У 1614 годзе ў складзе Бобрскага маёнтку. У 1667 годзе налічвала 11 двароў. У 1909 годзе зьяўлялася часткай Абчускай воласьці Сеньненскага павету Магілёўскай губэрні, мела 68 двароў ды 443 жыхары. У 1924 годзе ўключаная ў склад Чарэйскага раёну Барысаўскай акругі. Ад 1931 году ў складзе Крупскага раёну. У 1930 годзе арганізаваны калгас «Перамога». Маюцца крама, жывёлагадоўчая ферма. Магіла ахвяраў фашызму, на яко пахаваныя 18 мірных жыхароў, якіх у ліпені 1943 году расстралялі нямецка-фашысцкія захопнікі. У 1960 годзе на магіле пастаўлены абэліск.

28 траўня 2013 году перададзеная зь ліквідаванага Абчускага ў Заборскі (Кастрычніцкі) сельсавет^[3].

Насельніцтва

• 1999 год — 62 чалавекі
• 2010 год — 26 чалавек^[1]