Пухавічы (Гомельская вобласьць)

Пу́хавічы^[1] — вёска ў Жыткавіцкім раёне Гомельскай вобласьці, на поўдзень ад возера Чырвонага, за 4 км на ўсход ад Ляхавічаў. Пухавічы ўваходзяць у склад Чырвоненскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Пухавічы (неадназначнасьць).

Пухавічы
трансьліт. Puchavičy
Першыя згадкі:	XVI стагодзьдзе
Краіна:	Беларусь
Вобласьць:	Гомельская
Раён:	Жыткавіцкі
Сельсавет:	Чырвоненскі
Вышыня:	138 м н. у. м.
Насельніцтва:	572 чал. (2010)
Часавы пас:	UTC+3
Тэлефонны код:	+375 2353
Паштовы індэкс:	247964
СААТА:	3216852031
Нумарны знак:	3
Геаграфічныя каардынаты:	52°22′34″ пн. ш. 27°57′52″ у. д.
Пухавічы на мапе Беларусі ± Пухавічы Пухавічы
Галерэя здымкаў у Вікісховішчы

Гісторыя

У летапісных крыніцах Пухавічы вядомы з XVI стагодзьдзя. У XVI—XVIII стагодзьдзях вёска ў складзе Вялікага Княства Літоўскага. З 1793 году — у складзе Расейскай імпэрыі.

З 20 жніўня 1924 году ў складзе і зьяўлялася цэнтрам Ляхавіцкага сельсавету Жыткавіцкага раёну Мазырскай акругі (ліпень 1924 году — 26 ліпеня 1930 году, 21 чэрвеня 1935 году — 20 лютага 1938 году), з 20 лютага 1938 году — Палескай (з 8 студзеня 1954 году — Гомельскай) вобласьці^[2]. З 16 ліпеня 1954 году ў складзе навастворанага Марохараўскага сельсавету, з 28 студзеня 1991 году — Чырвоненскага сельсавету.

Насельніцтва

• XIX стагодзьдзе: 1886 год — 626 жхароў, 96 двароў
• XX стагодзьдзе: 1908 год — 1408 жыхароў; 1909 год — 1519 жыхароў, 246 двароў; 1994 год — 827 жыхароў, 303 двары; 1999 год — 724 жыхары
• XXI стагодзьдзе: 2004 год — 702 жыхары, 305 двароў; 2010 год — 572 жыхары

Інфармацыя для турыстаў

Страчаная спадчына

• Царква

Вуліцы

• Азёрны завулак
• Калгасная вуліца
• Моладзевы завулак
• Першамайская вуліца
• Савецкая вуліца

Крымінал

У Пухавічах разгортваліся падзеі ў справе «пухавіцкага падпальшчыка», у якую ўмешваўся прэзыдэнт Рэспублікі Беларусь Аляксандар Лукашэнка.^[3]