Пэтар Фіяла

Пэтар Фіяла (па-чэску: Petr Fiala; нар. 1 верасьня 1964, Брно^[10]) — чэскі палітоляг і палітычны дзеяч, лідэр Грамадзянскай дэмакратычнай партыі з 2014 году. Прэм’ер-міністар Чэхіі з 28 лістападу 2021 году^[11].

Пэтар Фіяла
па-чэску: Petr Fiala[1]
дырэктар
1996 — 2004
прадэкан[d]
2002 — 2004
дэкан[d]
2004 — 2004
Папярэднік	Іва Можны[d]
Наступнік	Ladislav Rabušic[d]
рэктар[d]
1 верасьня 2004 — 31 жніўня 2011
Папярэднік	Іржы Златушка[d]
Наступнік	Мікулаш Бэк[d]
прарэктар[d]
2011 — 2012
лідэр партыі[d]
з 18 студзеня 2014
Папярэднік	Пэтар Нэчас[d]
старшыня[d]
2009 — 2011
Папярэднік	Jan Hron[d]
Наступнік	Václav Hampl[d]
віцэ-старшыня[d]
6 лістапада 2013 — 9 сьнежня 2014
дэпутат Палаты дэпутатаў Парлямэнту Чэскай Рэспублікі[d]
26 кастрычніка 2013 — 26 кастрычніка 2017
дэпутат Палаты дэпутатаў Парлямэнту Чэскай Рэспублікі[d]
з 21 кастрычніка 2017
дэпутат Палаты дэпутатаў Парлямэнту Чэскай Рэспублікі[d]
з 9 кастрычніка 2021
прэм’ер-міністар Чэхіі[d]
з 17 сьнежня 2021
Папярэднік	Андрэй Бабіш[d]
міністар адукацыі, моладзі і фізычнага выхаваньня Чэхіі[d]
2 траўня 2012 — 10 ліпеня 2013
Папярэднік	Josef Dobeš[d]
Наступнік	Dalibor Štys[d]
Асабістыя зьвесткі
Нарадзіўся	1 верасьня 1964(1964-09-01)[2][3][4] (60 гадоў) Брно, Чэхаславаччына[2][4]
Партыя	Грамадзянская дэмакратычная партыя[5][6][7][…]
Адукацыя	мастацкі факультэт Масарыкава ўнівэрсытэту[d] (1988)[4] мастацкі факультэт Масарыкава ўнівэрсытэту[d] (1989)[8] мастацкі факультэт Масарыкава ўнівэрсытэту[d] (1996)[8] Карлаў унівэрсытэт
Сужэнец	Яна Фіялава[d][9]
Дзеці	Klára Chládková[d]
Бацька	Igor Fiala[d]
Узнагароды	Залаты мэдаль Масарыкавага ўнівэрсытэту[d] (2019)
Подпіс
Сайт	pfiala.cz (чэс.)

Жыцьцяпіс

У 1988 годзе скончыў вывучэньне чэскай філялёгіі і гісторыі мастацтваў ва Ўнівэрсытэце імя Яна Эвангеліста Пуркінэ (перайменаваны ў 1990 годзе ў Масарыкаў унівэрсытэт). У 1989 годзе здабыў ступень доктара філязофіі^[10]. Працаваў гісторыкам у рэгіянальным музэі ў Кромэржыжы, а ў другой палове 80-х гадоў супрацоўнічаў з апазыцыйнымі адукацыйнымі коламі. Пасьля палітычных зьмен ён нядоўгі час быў журналістам і выдаўцом, а потым вярнуўся да навуковай дзейнасьці^[12]. З 1990 году быў прафэсійна зьвязаны з родным унівэрсытэтам, узначальваў катэдру паліталёгіі і факультэт грамадзкіх навук. У 2002 годзе заняў пасаду прафэсара. У 2004—2011 гадах быў рэктарам Масарыкава ўнівэрсытэту, потым да 2012 году — прарэктарам^[10]. Два гады ён узначальваў канфэрэнцыю чэскіх рэктараў^[12].

У 2011 годзе стаў дзяржаўным дарадцам па пытаньнях адукацыі. У траўні 2012 году ўвайшоў у склад ураду Пэтра Нэчаса, заняўшы пасаду міністра адукацыі, моладзі і спорту. Пакінуў пасаду з усёй Радай міністраў у ліпені 2013 году. У тым жа годзе Фіяла далучыўся да Грамадзянскай дэмакратычнай партыі. Ад яе на парлямэнцкіх выбарах быў абраны чальцом Палаты дэпутатаў. У студзені 2014 году яго абралі старшынёй ГДП^[10]. На выбарах 2017 і 2021 гадоў пасьпяхова балятаваўся на паўторных выбарах у парлямэнт^[13][14].

У 2020 годзе стаў лідэрам правай кааліцыі SPOLU, у склад якой уваходзяць кансэрватыўная Грамадзянска-дэмакратычная партыя, Хрысьціянска-дэмакратычны саюз і Кансэрватыўна-ліберальны ТОП 09. Гэтая кааліцыя перамагла на парлямэнцкіх выбарах у кастрычніку 2021 году і сфармавала ўрадавую кааліцыю з лібэральнымі піратамі і рухам мэраў. Прэм’ер-міністрам стаў Пэтар Фіяла^[15].

Пасьля нападу Расеі на Ўкраіну Фіяла і яго ўрад занялі жорсткую пазыцыю ў дачыненьні да Расеі. Пэтар Фіяла абараняе самыя жорсткія антырасейскія санкцыі і падтрымлівае ўваход Украіны ў Эўрапейскі Зьвяз. 15 сакавіка 2022 году Пётр Фіяла разам з прэм’ер-міністрам Польшчы Маравецкім і прэм’ер-міністрам Славеніі Яншам афіцыйна наведаў Украіну^[16]. Мэтай візыту была падтрымка Ўкраіны, а таксама прэзэнтацыя дапамогі ЭЗ Украіне. Многія сусьветныя журналісты і палітыкі гэты візыт кваліфікавалі як сьмелы і гістарычны.