Рагазы (Падляскае ваяводзтва)

Рагазы́ (па-польску: Podwaśki, па-падляску: Rohozy) — прысёлак вёскі Іванкі ў Гайнаўскім павеце Падляскага ваяводзтва Польшчы. Знаходзіцца ў гміне Нараў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Рагазы.

Рагазы
польск. Rohozy
Першыя згадкі:	15 стагодзьдзе
Мясцовая назва:	Rohozy
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараў
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-210
Нумарны знак:	BHA
Геаграфічныя каардынаты:	52°56′0″ пн. ш. 23°33′0″ у. д.
Рагазы на мапе Польшчы Рагазы
Галерэя здымкаў у Вікісховішчы

Насельніцтва

Жыхары Рагазоў у большасьці этнічныя беларусы, якія карыстаюцца падляскім дыялектам, праваслаўныя (прыход Узьдзьвіжаньня Крыжа Гасподняга ў Нараве^[1]). Частку насельніцтва складаюць палякі-каталікі (парафія Ўнебаўзяцьця Найсьвяцейшай Панны Марыі і сьв. Біскупа Станіслава ў Нараве^[2]).

Гісторыя

Вёска заснаваная праўдападобна ў 15 ст. як баярскае пасяленьне над рэчкай Рудняй. У гэтым стагодзьдзі зьявіўся комплекс баярскіх вёскаў, у склад якога ўваходзілі: Анцуты, Іванкі, Сакі, Рагазы ды Жыўкова^[3]. У міжваенны пэрыяд Рагазы прыналежалі да гміны Нараў Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 82 жыхары (42 палякі-каталікі і 40 праваслаўных беларусаў)^[4].