Рагі (Прапойскі раён)

Рагі́^[2] — вёска ў Прапойскім раёне Магілёўскай вобласьці. Уваходзіць у склад Сьвенскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Рагі.

Рагі
трансьліт. Rahi
Краіна:	Беларусь
Вобласьць:	Магілёўская
Раён:	Прапойскі
Сельсавет:	Сьвенскі
Вышыня:	147 м н. у. м.
Насельніцтва:	111 чал. (2011)[1]
Часавы пас:	UTC+3
Тэлефонны код:	+375 2246
Паштовы індэкс:	213264
Нумарны знак:	6
Геаграфічныя каардынаты:	53°22′0″ пн. ш. 30°44′0″ у. д.
Рагі на мапе Беларусі ± Рагі Рагі

Назва

Назва вёскі паходзіць ад формы вясковых палявых абшараў у выглядзе рога^[3].

Гісторыя

Упершыню згадваецца ў пач. XVIII ст. у складзе Навабыхаўскага графства, якое ў тыя часы належала Сапегам. З 1754 да канца XVIII ст. Рагі знаходзіліся ў закладным уладаньні ў віленскіх піяраў і складалася зь дзьвюх частак: Вялікія Рагі й Малыя Рагі (Рагоўскі Прудок). Малыя Рагі мелі 38 двароў, 248 жыхароў, Вялікія Рагі — 85 двароў, 524 жыхары. У 1884 годзе ў в. Рагі 103 двары, у тым ліку 8 кравецкіх і 1 кавальскі, 590 жыхароў, хлебазапасны магазін, ветраны млын, карчма. У 1910 годзе ў Баханскай воласьці Быхаўскага павету. У 1912 годзе аднаклясная школа^[3].

Насельніцтва

• 2011 год — 111 чалавек^[1]
• 2010 год — 114 чалавек
• 1999 год — 190 чалавек
• 1910 год — 789 чалавек^[3]

Інфраструктура

У вёсцы дзейнічае крама^[1].