Радзіла

Радзіла (Радзель, Радуль, Ратэла) — мужчынскае імя і вытворнае ад яго прозьвішча.

Radila
Паходжаньне
Мова(-ы)	германскія
Утворанае ад	Rado + суфікс з элемэнтам -л- (-l-)
Іншыя формы
Варыянт(ы)	Радзель, Радуль, Ратэла
Зьвязаныя артыкулы
якія пачынаюцца з «Радзіла»

Паходжаньне

Асноўны артыкул: Імёны ліцьвінаў

Радзіла, Раціла або Радул, пазьней Радэль (Radila, Ratilo, Radulus, Radel) — імя германскага паходжаньня^[1]. Іменная аснова -рад- (-рат-) (імёны ліцьвінаў Радзівіл, Раталт, Конрад; германскія імёны Ratwilius, Ratolt, Konrad) паходзіць ад гоцкага *rêþs^[2], германскага rad- 'рада'^[3].

Варыянты імя ў гістарычных крыніцах: от Радиле (XIII ст.)^[4]; Радиловичи (1440—1492 гады)^[5]; путными бояри… Станиславомъ Раделем (20 траўня 1496 году)^[6]; in Pruzona terram nuncupatam Radzilowsczyna (20 або 23 чэрвеня 1522 году)^[7]; Янко Радиловичъ (6 лютага 1520 году)^[8]; Radziel (1558 год)^[9]; Radziel Piotrowicz (2 траўня 1558 году)^[10]; Rodziel Piotronicz (1563 год)^[11]; посланникъ литовской панъ Янъ Радиловичъ Голубитцкой (1597 год)^[12]; Радулъ… Радуль Металченъко… Радул Маръченко… Радулъ Волошин… Радуль Олексеенъко (1649 год)^[13]; Woysiech Ratul (2 студзеня 1653 году)^[14]; Radzielewicz… Radziłowicz… Rodziłowicz (1671—1681 гады)^[15]; Radziłowicze (1744 год)^[16]; Jan Ratel (8—10 лютага 1779 году)^[17]; Andrzej Radziłłowicz (1797 год)^[18]; Adam Rateło (1820 год)^[19]; Marcin Radziłło (1841 год)^[20]; Ewa Radziło (1843 год)^[21].

Носьбіты

• Радзіла — жыхар Ноўгараду, які ўпамінаецца ў XIII стагодзьдзі^[4]
• Янка Радзілавіч — літоўскі баярын, які ўпамінаецца ў 1520 годзе

Радулевічы (Radulewicz) — прыгонныя зь вёскі Растынянаў (Віленскі павет), якія ўпамінаюцца ў XIX стагодзьдзі^[22].

Радулевічы (Radulewicz) — літоўскі шляхецкі род з Троцкага павету^[23].

Радзяловічы (Radziełowicz) — літоўскі шляхецкі род з Троцкага павету^[24].

На 1910 год існаваў хутар Радзелеў у Чэрыкаўскім павеце Магілёўскай губэрні^[25].

На памежжы гістарычных Мазыршчыны і Піншчыны існуе вёска Радзілавічы.