Радка Гудас

Ра́дка Гу́дас (па-чэску: Radko Gudas; нар. 5 чэрвеня 1990 году) — чэскі хакеіст, абаронца клюбу «Анагайм Дакс» з Нацыянальнай хакейнай лігі. У 2010 годзе быў абраны на драфце НХЛ клюбам «Тампа Бэй Лайтнінг» пад агульным 66-м нумарам. Сын былога хакеіста Лео Гудаса.

Радка Гудас
Рост	183 см[1]
Вага	93 кг
Пазыцыя	абаронца
Кідок/Ловы	правы[d]
Грамадзянства	Чэхія[1]
Дата нараджэньня	5 чэрвеня 1990(1990-06-05)[2] (35 гадоў)
Месца нараджэньня	Прага, Чэская і Славацкая фэдэратыўная рэспубліка[d][3]
Клюб	Анагайм Дакс
Выступаў за	Кладна Эвэрэт Сылвэртыпс Норфалк Эдміралз Сырак’юз Кранч Тампа Бэй Лайтнінг Філадэлфія Флаерз Вашынгтон Кэпіталз Флорыда Пантэрз
Драфт НХЛ	66, 2010 Тампа Бэй Лайтнінг
Гульнявая кар’ера	2008 — цяпер

Кар’ера

У прафэсійным хакеі дэбютаваў у складзе клюбу «Кладна». Ужо праз год выправіўся праз акіян, каб далучыцца да каманды Заходняй хакейнай лігі. У 2010 годзе на драфце НХЛ быў абраны клюбам «Тампа Бэй Лайтнінг», пасьля чаго далучыўся да табару каманды з мэтай падрыхтоўкі да новага сэзону. Тым ня менш, гулец прыяднаўся да фарм-клюбу «Норфалк Эдміралз» з Амэрыканскай хакейнай лігі. У выніку абаронца некалькі сэзонаў спаборнічаў у АХЛ, першы чым быў выкліканы ў сакавіку 2013 году «Тампа Бэй Лайтнінг». 5 сакавіка 2014 году Радка атрымаў матч-штраф у сустрэчы з «Далас Старз». У сакавіку 2015 году быў выменяны ў «Філадэлфію Флаерз»^[4]. Пасьля яшчэ абараняў колеры «Вашынгтон Кэпіталз» і «Флорыды Пантэрз». 1 ліпеня 2023 году як вольны агент склаў трохгадовую ўгоду з «Анагайм Дакс» за 12 мільёнаў даляраў^[5].