Радун

Радун (Радзюн), Радон — мужчынскае імя і вытворнае ад яго прозьвішча.

Raduni
Паходжаньне
Мова(-ы)	германскія
Утворанае ад	Rado + суфікс з элемэнтам -н- (-n-)
Іншыя формы
Варыянт(ы)	Радон, Радзюн
Зьвязаныя артыкулы
якія пачынаюцца з «Радун»

Паходжаньне

Асноўны артыкул: Імёны ліцьвінаў

Радун або Ратун (Raduni, Ratuni, Rādun^[1][2]) — імя германскага паходжаньня^[3]. Іменная аснова -рад- (-рат-) (імёны ліцьвінаў Радзівіл, Раталт, Конрад; германскія імёны Ratwilius, Ratolt, Konrad) паходзіць ад гоцкага *rêþs^[4], германскага rad- 'рада'^[5].

У Памор’і бытавала прозьвішча Rattun^[6].

У Папскай сэмінарыі ў Вільні да 1590 году навучаўся прус Андрэй Радон (Andrzej Radon)^[7].

Варыянты імя ў гістарычных крыніцах: слуги щитьные у Вержавъском пути… Федор Кожинъ, сынъ его Радонъ а братъ его Ивашъко (каля 1492 году)^[8]; Alexander Radunius, Lithuanus (1573 год)^[9]; Radun… Radon (1671—1681 гады)^[10]; Michałko Radun, syn Daniło lat 20, Kiryło 16, Zmitruk 5 (9 студзеня 1774 году)^[11].

Носьбіты

Радзюны (Radziun) — прыгонныя з Троцкага павету, якія ўпамінаюцца ў XIX стагодзьдзі^[12].

На гістарычнай Лідчыне існуе вёска Радзюнцы, на гістарычнай Браслаўшчыне — Рацюны і Рацюнкі.