Рамут

Рамут (Рамуць) — мужчынскае імя.

Ramut
Паходжаньне
Мова(-ы)	германскія
Утворанае ад	Ramo + суфікс з элемэнтам -т- (-t-) Ramo + Muta
Іншыя формы
Вытворныя формы	Ромат
Зьвязаныя артыкулы
якія пачынаюцца з «Рамут»

Паходжаньне

Асноўны артыкул: Імёны ліцьвінаў

Рамут (Ramut) — імя германскага паходжаньня^[1]. Іменная аснова -рам- (імёны ліцьвінаў Раміла, Рамаўт, Рамунт; германскія імёны Ramilo, Ramaldus, Ramunt) паходзіць ад стараісьляндзкага ram(m)r 'дужы, моцны'^[2], а аснова -мод- (-мот-, -мут-) (імёны ліцьвінаў Мотар, Мутаўт, Эймут; германскія імёны Motar, Muotolt, Eimuot) — ад гоцкага moþs '(баявы) дух, лютасьць, адвага'^[3]. Антрапанімічны суфікс-пашыральнік -ут- (-ut-) адзначаецца як у германскіх, так і ў славянскіх мовах^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Ramut (Ramot)^[5].

У Прусіі бытавала імя Рамут (Рамот, Рамод): Ramuth (1306 год)^[6], Ramot (1338 і 1340 гады)^[6], Rammod (1399 і 1437 гады)^[6]. Апроч таго, у Прусіі шырока бытавала прозьвішча Romoth^[7].

Варыянты імя ў гістарычных крыніцах: человека их отчынъного непохожого… а Ромутемъ (21 сакавіка 1499 году)^[8]; дали ему в Радунской волости… Станька Ромутевича з братаничи Яновичи — службу (1540—1543 гады)^[9]; Станко Ромутевич (30 ліпеня 1545 году)^[10]; Romuciowna (1671—1681 гады)^[11].

Носьбіты

На гістарычнай Лідчыне існуе вёска Ромуці. Назву Рамуцішкі маюць вёскі на гістарычнай Ашмяншчыне.