Родзевічы (Івейскі раён)

Ро́дзевічы^[1] — вёска ў Беларусі, каля ракі Вярэнкі. Уваходзяць у склад Івейскага сельсавету Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Родзевічы.

Родзевічы лац. Rodzievičy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	29 чал. (2009)
Часавы пас:	UTC+3
Тэлефонны код:
Паштовы індэкс:	231336
СААТА:	4229813106
Нумарны знак:	4
Геаграфічныя каардынаты:	53°57′54″ пн. ш. 25°53′6″ у. д.
Родзевічы на мапе Беларусі ± Родзевічы Родзевічы

Назва

Асноўны артыкул: Грода

Грода, Рода або Руда (Hrodo, Roda, Ruodo) — імя германскага паходжаньня^[2].

Гісторыя

Паводле пісьмовых крыніц вядома з XVI ст. як вёска маёнтку Іўе Івейскай воласьці Ашмянскага павету Віленскага ваяводзтва. У 1598 г. 9 валок зямлі, уласнасьць Кішкаў. У 1634 г. 27 дымоў, 10 валок зямлі.

У XIX — пачатку XX ст. вёска Івейскай воласьці Ашмянскага павету Віленскай губэрні. У 1861 г. 42 рэвіскія душы. Адносілася да маёнтка Ятаўтавічы памешчыцы Рымашэўскай. У 1897 г. 25 двароў, 149 жыхароў, у 1905 г. 166 жыхароў, 139 дзесяцін зямлі, у 1909 г. 29 двароў, 168 жыхароў.

У 1921–1939 гг. у Івейскай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. 28 двароў, 128 жыхароў.

3 12.10.1940 г. вёска (28 двароў, 153 жыхары) у Дайлідзкім, з 3.5.1962 г. у Івейскім сельсаветах Івейскага раёну. У кастрычніку 1950 г. арганізаваны калгас імя В.І.Чапаева, з 1954 г. у калгасе «Новае жыцьцё». У 1970 г. 124 жыхары. Цяпер у складзе калгаса «Дайліды». У 1999 г. 27 двароў, 60 жыхароў.

Насельніцтва

• 1999 год — 60 чалавек, 27 двароў
• 2009 год — 29 чалавек^[3]