Роўнае Поле (Расонскі раён)

Ро́ўнае По́ле — вёска на захадзе Расонскага раёну Віцебскай вобласьці Беларусі^[3].

Роўнае Поле
трансьліт. Roŭnaje Polie
Краіна:	Беларусь
Вобласьць:	Віцебская
Раён:	Расонскі
Сельсавет:	Клясьціцкі
Вышыня:	140[1] м н. у. м.
Насельніцтва
колькасьць:	13 чал. (2009)
нацыянальны склад:	беларусы
Часавы пас:	UTC+3
Тэлефонны код:	+375 2159
Паштовы індэкс:	211463[2]
СААТА:	2242820083
Нумарны знак:	2
Геаграфічныя каардынаты:	55°54′2″ пн. ш. 28°27′50″ у. д.
Роўнае Поле на мапе Беларусі ± Роўнае Поле Роўнае Поле

Уваходзіць у склад Клясьціцкага сельсавету. Вёску акаляе краявідны заказьнік «Чырвоны Бор». Мясцовая аўтадарога забясьпечвае злучэньне на паўночным захадзе зь Мілавідамі і на паўднёвым усходзе з аўтадарогай Р-132, якая вядзе на ўсход празь Якубова і Клясьціцы на Расоны.

Мінуўшчына

У 1943 годзе ў Роўным Полі месьціліся штабы брыгадаў Расонска-Асьвейскай партызанскай зоны, шпіталі і падпольныя партыйныя органы. У 2-й палове сьнежня 1943 году нямецкія карнікі расстралялі каля 2000 чалавек падчас апэрацыі № 105 «Ота», у ходзе якой спалілі 10 вёсак. Да апэрацыі нямецкія войскі прыцягвалі авіяцыю, артылерыю і танкі. 28—30 сьнежня 1943 году партызанскае камандаваньне вывела праз раку Дрысу за лінію фронту каля 10 000 чалавек^[4].

16 ліпеня 1954 года ў Роўнае Поле перанесьлі цэнтар Мілавідзкага сельсавету, які перайменавалі ў Раўнапольскі^[5]. 25 сьнежня 1962 году вёска ўвайшла ў склад новаўтворанага Дрысенскага раёну. 6 студзеня 1965 году перададзеная ў склад адноўленага Расонскага раёну. 3 лістапада 1983 году цэнтар Раўнапольскага сельсавету перанесьлі ў Марачкова, а сельсавет перайменавалі ў Марачкоўскі. 8 красавіка 2004 году Роўнае Поле перадалі ў Клясьціцкі сельсавет замест скасаванага Марачкоўскага^[6].