Рудаш

Рудаш (Рудзеш, Рудзіш) — мужчынскае імя і вытворнае ад яго прозьвішча.

Rudusch
Паходжаньне
Мова(-ы)	германскія
Утворанае ад	Ruodo + суфікс з элемэнтам -ш- (-sch-)
Іншыя формы
Варыянт(ы)	Рудзеш, Рудзіш
Зьвязаныя артыкулы
якія пачынаюцца з «Рудаш»

Паходжаньне

Асноўны артыкул: Імёны ліцьвінаў

Рудуш, Рутш або Руч (Rudusch, Rutsch) — імя германскага паходжаньня^[1][2]. Іменная аснова -грод- (-род-, -руд-) (імёны ліцьвінаў Рудалт, Родмант, Эйруд; германскія імёны Rudolt, Rodemund, Eirodus) паходзіць ад гоцкага hroþ 'слава, перамога'^[3].

У Чэхіі бытавалі германска-славянскія імёны Rudeš і Rudiš^[4].

Варыянты імя ў гістарычных крыніцах: Czwierć Cyrma… Andrżey Rudzisz… Czwierć Medziszewo… Siemion Rudzisz… Skobylowo… Staszko Rudzisz… Hauryło Rudzisz… Parsiukowo… Silko Rudzisz… Czwiezć Wydry… Piotr Rudzisz… Jakub Rudzisz (1765 год)^[5]; Wieś Awiszanow… Matis Rudziesz (26 жніўня 1765 году)^[6]; Marcella Rudosz (1832 год)^[7].

Носьбіты

Рудзіш (Rudzisz) — прозьвішча, зафіксаванае ў XIX стагодзьдзі ў ваколіцах Сувалкаў^[8].

На гістарычнай Наваградчыне існуе вёска Рудашы, на гістарычнай Ашмяншчыне — Рудашаны.

На 1906 год існавалі дзьве вёскі з назвай Рудзішы і вёска Рудушы ў Люцынскім павеце^[9], а таксама вёска Рудушкі ў Рэжыцкім павеце Віцебскай губэрні^[10].