Рыхлік

Рыхлік — мужчынскае імя і вытворнае ад яго прозьвішча.

Richlich
Паходжаньне
Мова(-ы)	германскія
Утворанае ад	Rih + *Lic
Зьвязаныя артыкулы
якія пачынаюцца з «Рыхлік»

Паходжаньне

Асноўны артыкул: Імёны ліцьвінаў

Рыхліх (Richlich) — імя германскага паходжаньня^[1]. Іменная аснова -рых- (-рык-) (імёны ліцьвінаў Дзітрык, Індрых, Эрык; германскія імёны Ditricus, Hindrich, Erik) паходзіць ад гоцкага reiks 'магутны'^[2], германскага rikja 'магутны, каралеўскі'^[3], а аснова -лік- (-ліх-) (імя ліцьвінаў Урліх; германскае імя Urlich) — ад гоцкага leik 'цела'^[1].

Варыянты імя ў гістарычных крыніцах: Nicolao Rychlik (20 кастрычніка 1501 году)^[4]; у месте Полоцком: дворища… Рихликовщину (20 красавіка 1517 году)^[5]; Болтромеи Рихликовичъ (1528 год)^[6]; бояринъ пани воеводиное виленъское Павелъ Рихъликъ… Рихъликовои Ганьне (3 кастрычніка 1542 году)^[7]; Амъброжей Андреевичъ Рыхликъ (1567 год)^[8]; Васко Рихликъ, мещанинъ Могилевски (27 кастрычніка 1578 году)^[9]; Васко Рыхликовичь (9 лютага 1580 году)^[10]; рукоданы княз Ян Рыхлик, комендар бетыкголски (14 студзеня 1593 году)^[11].

Носьбіты

• Балтрамей Рыхлікавіч — эйшыскі баярын, які ўпамінаецца ў попісе войска Вялікага Княства Літоўскага 1528 году
• Якуб Станіслававіч Рыхлік — вількамірскі зямянін, які ўпамінаецца ў 1607 годзе^[12]

Рыхлікі — літоўскі шляхецкі род^[13].