Рэспубліка Конга

Рэспу́бліка Ко́нга (Рэспу́бліка Ко́нґа) (па-француску: République du Congo) — краіна ў Цэнтральнай Афрыцы на ўзьбярэжжы Атлянтычнага акіяна. Мяжуе з Габонам, Камэрунам, Цэнтральна-Афрыканскай Рэспублікай, Дэмакратычнай Рэспублікай Конга і Анголай.

Ня варта блытаць з Дэмакратычнай Рэспублікай Конга — дзяржавай са сталіцай у Кіншасе.

Рэспубліка Конга République du Congo Repubilika ya Kongo Republiki ya Kongó
Сьцяг
Нацыянальны дэвіз: «Unité, Travail, Progrès» («Адзінства, праца, прагрэс»)
Дзяржаўны гімн: «La Congolaise»
Афіцыйная мова	француская, конга, кітуба
Сталіца	Бразавіль
Найбуйнейшы горад	Бразавіль
Форма кіраваньня прэзыдэнт прэм’ер-міністар	рэспубліка Дэніс Сасу Нгеса Ісідорэ Мваўба
Плошча  • агульная  • адсотак вады	64-е месца ў сьвеце 342 000 км² 3,3
Насельніцтва  • агульнае (2009)  • шчыльнасьць	128-е месца ў сьвеце 3 686 000 10,8/км²
СУП  • агульны (2008)  • на душу насельніцтва	154 месца ў сьвеце $14,305 млрд $3919
Валюта	Франк КФА (XAF)
Часавы пас	WAT
Незалежнасьць — ад Францыі	15 жніўня 1960
Аўтамабільны знак	RCB
Дамэн верхняга ўзроўню	.cg
Тэлефонны код	+242
Мапа Рэспублікі Конга

Рэспубліка Конга — былая француская калёнія з назвай Францускае Конга ці Цэнтральнае Конга, а адразу пасьля атрыманьня незалежнасьці называлася Конга-Бразавіль.

Гісторыя

Палітыка

Тып ураду краіны — рэспубліка. Кіраўнік ураду — прэзыдэнт, які выбіраецца тэрмінам на 7 гадоў. Вышэйшы выканаўчы орган — урад, які кіруецца прэзыдэнтам. Парлямэнт дзьвюхпалатны: Нацыянальная Грамада — 137 дэпутатаў з 5-гадовым тэрмінам дзеяньня і Сэнат — 66 удзельнікаў, якія выбіраюцца на 6-гадовы тэрмін.

Асноўныя палітычныя партыі краіны:

• Кангалеская партыя працы
• Аб’яднаньне за дэмакратыю і сацыяльны прагрэс
• Кангалескі рух за дэмакратыю і інтэгральнае разьвіцьцё

Адміністрацыйны падзел

Вобласьці Рэспублікі Конга

Рэспубліка Конга падзелена на 12 абласьцей.

№	Вобласьць	Вобласьць (па-француску)	Цэнтар	Плошча, км²	Насельніцтва (2004), чал.
1	Бразавіль	Brazzaville	Бразавіль	100	1 243 523
2	Буэнза	Bouenza	Мадзінгу	12 265	282 666
3	Заходні Кювэт	Cuvette-Ouest	Эва	28 790	49 883
4	Куілу	Kouilou	Лоанго	12 550	82 143
5	Кювэт	Cuvette	Аванда	46 060	174 976
6	Лекуму	Lékoumou	Сібіці	20 950	78 023
7	Лікуала	Likouala	Імпфонда	66 044	85 646
8	Ніяры	Niari	Лубомбо	25 942	244 706
9	Плато	Plateaux	Джамбала	38 400	140 184
10	Пуэнт-Нуар	Pointe-Noire	Пуэнт-Нуар	1 144	724 527
11	Пул	Pool	Кінкала	33 955	235 313
12	Санга	Sangha	Веса	55 800	61 892

Геаграфія

Рэспубліка Конга знаходзіцца ў Цэнтральнай Афрыцы, мяжуе з Габонам, Камэрунам, Цэнтральна-Афрыканскай Рэспублікай, Дэмакратычнай Рэспублікай Конга і Анголай, мае выхад да Атлянтычнага акіяна.

Самыя вялікія рэкі: Квілу і Конга. Самы высокі пункт краіны: на паўднёвым захадзе краіны 1040 м.

Клімат — экватарыяльны на поўначы і субэкватарыяльны на поўдні. Сярэдняя тэмпэратура ліпеня складае +22 °C. Сярэднегадавыя ападкі: 1200—2000 мм.

Эканоміка

Краіна мае пераважна сельскагаспадарчую будову эканомікі, з багатымі запасамі карысных выкапняў. У сельскай гаспадарцы занятыя 59% насельніцтва, хоць сельская гаспадарка складае толькі 10% нацыянальнага прыбытку.

Асноўныя сельскагаспадарчыя культуры: пальмавае масла, кава, земляныя арэхі, кукуруза, цытрусы.

Амаль увесь астатні прыбытак краіны складаецца са здабычы і экспарту нафты, жалезнай руды, дыямэнтаў. Разьвіцьцё атрымала перапрацоўка дрэва.

Вонкавыя спасылкі

• Вікіпэдыя мае партал «Афрыка»