Сдэрот

Сдэро́т ( He-Sederoth.ogg ; па-габрэйску: שְׂדֵרוֹת‎, па-арабску: سديروت‎) — места ў Паўднёвай акрузе Ізраілю, за 15 кілямэтраў на паўднёвы ўсход ад Ашкелону, за 1 км ад сэктару Газа.

Сдэрот
іўр. שְׂדֵרוֹת‎
Пабудова бамбасховішчаў у Сдэроце
Герб Сдэроту
Дата заснаваньня:	1951
Горад з:	1996
Краіна:	Ізраіль
Акруга:	Паўднёвая
Плошча:	4,472 км²
Вышыня:	100 м н. у. м.
Насельніцтва
колькасьць:	24 000 чал. (2011)[1]
шчыльнасьць:	5366,73 чал./км² (2011)
нацыянальны склад:	жыды — 93%
Часавы пас:	UTC+2
летні час:	UTC+3
Тэлефонны код:	+972 8
Геаграфічныя каардынаты:	31°31′30″ пн. ш. 34°35′49″ у. д.
Сдэрот на мапе Ізраілю Сдэрот
Галерэя здымкаў у Вікісховішчы
www.e-sderot.org.il

Мінуўшчына

Тыповы жылы дом

Назва ў перакладзе з іўрыту азначае «праспэкт», «бульвар» і дадзеная ў гонар Жыдоўскае нацыянальнае фундацыі, якая ладзіла пасадкі дрэваў (алеі ўздоўж дарог) у рамках праграмы засваеньня і засяленьня паўночнай часткі пустыні Негеў. Рокам заснаваньня Сдэроту лічыцца 1951, калі тут, побач з кібуцам Нір-‘Ам, пачалі сяліцца ў палатках выхадцы з Ірану, Курдыстану), Марока і, у меншай ступені, Тунісу). Пазьней у паселішчы збудавалі баракі («ма‘бару»), і яно атрымала назву Ма‘бэрэт-Гевім — Дорат; да яго далучыліся рэпатрыянты з Паўночнай Афрыкі і Румыніі. У 1996 року Сдэрот атрымаў мескія правы.

Адукацыя

Дзейнічаюць 14 школаў з 3578 навучэнцамі, коледж і ешыва. Усе навучальныя ўстановы і ўсе 120 аўтобусных прыпынкаў маюць узмоцненую абарону ад ракетаў^[2].

Прамысловасьць

У Сдэроце знаходзіцца буйная прамысловая зона — прадпрыемствы па вытворчасьці, сартаваньні і пакаваньні харчовых прадуктаў, мэталаапрацоўчыя, тэкстыльныя, кабельныя й іншыя фабрыкі. Некаторыя жыхары занятыя на нафтавых распрацоўках паблізу.

Аднак паводле сацыяльна-эканамічных паказьнікаў Сдэрот займае адно з апошніх месцаў у Ізраілі. Так, беспрацоўе сярод мясцовага насельніцтва складае больш за 20%, а ўзровень заробку ці не ўдвая меншы за сярэдні паказьнік па краіне. Прычынай гэтага зьяўляюцца пастаянныя абстрэлы з боку сэктару Газа.

Транспарт

Ля места праходзіць аўтастрада №34 Яд-Мардэхай — Нэцівот.

Інтыфада

Рэшткі ракет «Касам», якія трапілі ў Сдэрот

З-за непасрэднай блізкасьці да мяжы з сэктарам Газа (да найбліжэйшага места Бэйт-Ханун 4 км) Сдэрот пэрыядычна трапляе пад абстрэл саматужнымі ракетамі кшталту «Касам». Ізраільскі ўрад усталяваў у месьце сыстэму раньняга апавяшчэньня, аднак яна малаэфэктыўная з прычыны таго, што папярэджвае пра атаку ракеты максымум за 15 сэкундаў да яе падзеньня. Ізраільскае войска пэрыядычна ладзіць прэвэнтыўныя апэрацыі ў сэктары Газа, зьнішчаючы агнявыя пазыцыі тэрарыстаў і майстэрні па вытворчасьці ракетаў.

На знак салідарнасьці з жыхарамі нацыянальная авіякампанія El Al дала аднаму са сваіх ляйнэраў Boeing 777 (4X-ECE) назву «Сдэрот»^[3][4].

Гарады-сябры

• Антані
• Цэлендорф (Бэрлін)^[5]

Ураджэнцы і жыхары

• Амір Пэрэц, былы міністар абароны