Семянча 2

Семянча́ 2^[2] — вёска ў Пружанскім раёне Берасьцейскай вобласьці. Уваходзіць у склад Пружанскага сельсавету. Знаходзіцца за 4 км на ўсход ад Пружанаў, за 80 км ад Берасьця.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Семянча.

Семянча 2
трансьліт. Siemianča 2
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Пружанскі
Насельніцтва:	51 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225133[1]
СААТА:	1256848071
Нумарны знак:	1
Геаграфічныя каардынаты:	52°32′45″ пн. ш. 24°30′49″ у. д.
Семянча 2 на мапе Беларусі ± Семянча 2 Семянча 2

Мінуўшчына

За расейскім часам — у Ліноўскай воласьці Пружанскага павету Гарадзенскай губэрні^[3]. Падчас напалеонаўскага нашэсьця 1812 року на двары ў Семянчы кватараваў францускі генэрал^[4]. На месцы, дзе адбылася сутычка 7-га саксонскага корпусу генэрала Рэнье з расейскім войскам, праз 30 рокаў быў пастаўлены помнік^[5].

Да пераезду ў Хараўшчыну Семянчу разам з ваколіцамі(pl) зьбіраўся набыць паэт Францішак Карпінскі, прапаноўваў за яе 60 000 злотых^[4].

Напрыканцы XIX — у пачатку XX стагодзьдзя плошча вёскі складала 201 дзесяціну; фальварак Ягалкоўскіх — 220 дзесяцінаў^[6]. Паводле перапісу 1897 року ў вёсцы 22 двары, 213 жыхароў. У пачатку XX стагодзьдзя 224 жыхары.

За польскім часам — у гміне Лінова^[7], а з 1926 року — у гміне Пружана Пружанскага павету Палескага ваяводзтва^[8]. У 1921 року — 16 двароў, 89 жыхароў.

З 15 студзеня 1940 у Пружанскім раёне Берасьцейскай вобласьці БССР.

Насельніцтва

• XX стагодзьдзе: 1970 год — 225 жыхароў; 1999 год — 42 жыхары
• XXI стагодзьдзе: 2005 год — 44 жыхары, 19 двароў^[9]; 2010 год — 51 жыхар

Турыстычная інфармацыя

• Гаспадарчая пабудова ў былым фальварку Семянча (XIX стагодзьдзе) — адна зь першых беларускіх мануфактураў^[10].