Скема

Ске́ма — рака ў Мядзельскім раёне Менскай вобласьці. Найкарацейшая рака Беларусі даўжынёю 200 м^[1].

Рака

Скема
Агульныя зьвесткі
Выток	Мястра
Вусьце	Нарач (возера)
Краіны басэйну	Беларусь
Даўжыня	0,2 км
Сярэднегадавы сьцёк	0,49 м³/с
Плошча басэйну	133 км²
Галерэя здымкаў у Вікісховішчы

Геаграфія

Скема знаходзіцца ў цэнтральнай частцы Нарачанскага нацыянальнага парку. Злучае азёры Мястра і Нарач.

Даўжыня — 200 м. Плошча вадазбору — 133 км². Сярэднегадавы расход вады ў вусьці — 0,49 м³/с. Хуткасьць цячэньня — 0,13 м/с. Глыбіня месцамі дасягае 1,5 м.

Рэчышча зьвілістае, шырынёю 3—4 м. Дно ля вытоку пяшчанае, ля вусьця — камяністае.

Праз раку пабудаваны мост на дарозе з Нарачы ў Гатавічы. Дзейнічае гідралягічны пост. У рацэ водзяцца ракі.

Турызм

Папулярная мясьцовасьць для сплаву на байдарках.