Спартак (кандытарская фабрыка)

«Спарта́к» — кандытарская фабрыка ў Гомлі, заснаваная ў 1924 годзе пад назовам «Прасьвет».

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Спартак (неадназначнасьць).

«Спартак»
Тып	адкрытае акцыянэрнае таварыства
Дэвіз	Слодычы для радасьці
Заснаваная	4 чэрвеня 1924 (100 гадоў таму)
Краіна	Беларусь
Разьмяшчэньне	Гомель, Цэнтральны раён, Савецкая вул., д. 63
Ключавыя фігуры	Алег Жыдкоў, Андрэй Жлоба[1]
Галіна	прамысловасьць
Прадукцыя	вафлі, карамэль, печыва, торты, цукеркі, шакаляд
Абарачэньне	▲236 414 млн. рублёў (2010; 78 970 тыс. $)
Апэрацыйны прыбытак	▼28 642 руб. (2010; 9 567 тыс. $)
Чысты прыбытак	▲21 956 млн руб (2010; 7 334 тыс $)
Лік супрацоўнікаў	2115 (2010)
Матчына кампанія	«Белдзяржхарчпрам» (Менск)
spartak.by/by
«Спартак» у Вікісховішчы

39,9% паёў праз амэрыканскае прадпрыемства «Дабл Стар Інтэрнэшнл» (Нью-Ёрк) валодае Марат Новікаў (нар. Менск). Прадпрыемства мае крамы ў кожным абласным цэнтры Беларусі і прадстаўніцтвы ў ЗША (Нью-Ёрк) ды Расеі (Масква)^[2].

Вырабы

На 2019 год ААТ «Спартак» вырабляла: батончыкі, вафлі, глязуру, какава-алей, какавэлу, карамэль, мюсьлі, печыва, торты, цукеркі і шакаляд^[3].

Мінуўшчына

4 чэрвеня 1924 году ў Гомелі адчыніл кандытарскае прадпрыемства «Прасьвет», якое стала вырабляць ірыс, карамэль, мармэляд і цукеркі. 8 лістапада 1931 году атрымала назву «Спартак». У 1940 годзе вытворчасьць дасягнула 11 500 тонаў ласункаў^[4].

6 жніўня 1958 году на прадпрыемстве выбухнуў воданагравальны кацёл, што разбурыла 3 паверхі бісквітнага і кандытарскага цэхоў. У выніку 15 работнікаў фабрыкі загінулі, яшчэ 22 атрымалі раненьні. Здарэньне адбылося празь пераабсталяваньне ў 1953 годзе цыстэрны ў воданагравальны бак для душавой. Дно бака вырвала празьмерным ціскам у выніку перагрэву пары да +150 °C. Бак выкінула на вуліцу. На сваім шляху бак пашкодзіў нясучыя канструкцыі на першым паверсе галоўнага вытворчага корпуса, які абваліўся разам з 2-м і 3-м паверхамі. Аднаўленьне прадпрыемства пацягнула выдаткі на звыш 700 000 савецкіх рублёў^[5].

У 1994 годзе прадпрыемства акцыянавалі. У 1998-м сталася сумесным. У 2006 г. зьяўлялася найбуйнейшым вытворцам кандытарскіх вырабаў у Беларусі^[2].

Кіраўнікі

• Алеся Самсонава, Алег Кот (2000-я)