Белдзяржхарчпрам

Белдзяржхарчпрам — беларускі дзяржаўны канцэрн харчовай прамысловасьці, заснаваны ў 1997 годзе^[3]. Мае замежныя прадстаўніцтвы ў Армэніі (Ерэван), Грузіі (Тбілісі), Казахстане (Алматы), Кыргыстане (Бішкек), Латвіі (Рыга), Польшчы (Варшава), Расеі (Масква, Санкт-Пецярбург) і Ўкраіне (Кіеў). З 24 жніўня 2000 г. у падпарадкаваньні ўрада^[4]. З 5 траўня 2006 г. пасаду старшыні займае Іван Данчанка^[5].

Белдзяржхарчпрам
Тып	канцэрн
Заснаваная	5 сакавіка 1997 (28 гадоў таму)
Заснавальнікі	Міністэрства сельскай гаспадаркі і харчаваньня Рэспублікі Беларусь
Краіна	Беларусь[1]
Разьмяшчэньне	Менск, вул. Аранская, д. 6
Ключавыя фігуры	Іван Данчанка
Галіна	харчовая прамысловасьць
Прадукцыя	алей, гарэлка, слодычы, цукар
Абарачэньне	▼12,9 трыльёну рублёў (2011; 2,3 млрд $[2])
Апэрацыйны прыбытак	▲2020,2 млрд руб (2011; 360,4 млн $)
Чысты прыбытак	▲729,4 млрд руб (2011; 130,1 млн $)
Матчына кампанія	Савет міністраў Рэспублікі Беларусь
Даччыныя кампаніі	«Крыніца», «Менск Крышталь»
www.bgp.by

Даччыныя прадпрыемствы

У склад канцэрну ўваходзяць Менскі дзяржаўны каледж харчовай прамысловасьці ды прадпрыемствы:

• Берасьцейскай вобласьці — «Белалка», «Белсолад» (Янаў), Жабінкаўскі цукровы завод, Маларыцкі кансерваваагароднінасушыльны камбінат, «Палімер» (вёска Сінкевічы, Лунінецкі раён), «Першая шакалядная кампанія», «Экзон-Глюкоза» (Дарагічын);
• Віцебскай вобласьці — Віцебскі алеяэкстракцыйны завод, Віцебскі плодаагароднінны камбінат, «Прыдзьвіньне»;
• Гарадзенскай вобласьці — «БелКава» (Ашмяны), Гарадзенскі алейна-тлушчавы камбінат (Наваельня, Зьдзецельскі раён), «Гораднябіяпрадукт» (Скідзель, Гарадзенскі раён), «Лідзкія харчовыя канцэнтраты», «Нёман», «Нёманофф», «Ойл-Фуд» (Наваельня), Скідзельскі цукровы камбінат;
• Гомельскай вобласьці — «Аграойл» (в. Яроміна, Гомельскі раён), Гомельскі лікёра-гарэлачны завод, Гомельскі тлушчавы камбінат, «Мазырсоль», «Чырвоны Мазырчук», «Этанол» (Мазыр);
• Магілёўскай вобласьці — Бабруйскі завод алею, Клімавіцкі лікёра-гарэлачны завод, «Чырвоны харчавік» (Бабруйск);
• Менскай вобласьці — «Аквадзіў» (в. Маліноўшчына, Маладэчанскі раён), «Арок Плюс» (Смалявічы), «Весялова» (Барысаўскі раён), «Гама смаку» (Клецак), Гарадзейскі цукровы камбінат (Нясьвіскі раён), «Івкон» (Івянец, Валожынскі раён), «Конфа» (Маладэчна), «Машхарчпрад» (Мар’іна Горка, Пухавіцкі раён), «Пяць кантынэнтаў» (в. Вялікае Сьціклева, Менскі раён), Пухавіцкі харчкамбінат, Слуцкі цукроварафінадны камбінат, «Флексасэрвіс» (Нясьвіж), «Эўратарэкс» (Гарадзея);
• Менску — «Аргхарчпрам», «Белбудхарчпрам», «Дражджавы камбінат», «Інтэрферм», «Крыніца», «Менск Крышталь», Менскі завод пеністага віна, Менскі маргарынавы завод, «Паўднёвы Захад», «Поліпрынт», «Прадукты харчаваньня» і «Слодыч».

Таксама ў склад канцэрна ўваходзіць заморскае прадпрыемства «Далхеа Трэйдынг» (Лімасол, Кіпр)^[6].