Стары Двор (Падляскае ваяводзтва)

Ста́ры Двор (па-польску: Stary Dwór, на мясцовай беларускай гаворцы: Ста́ры Двор, Дворы́ско^[1]) — невялікі хутар, афіцыйна прысёлак вёскі Тарнаполь ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Стары Двор
польск. Stary Dwór
Мясцовая назва:	Стары Двор, Дворыско
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°53′26″ пн. ш. 23°53′0″ у. д.
Стары Двор на мапе Польшчы Стары Двор
Галерэя здымкаў у Вікісховішчы

Разьмяшчаецца на ўзьбярэжжы Семяноўскага вадасховішча. Улетку дзейнічае тут Турыстычна-адпачынкавы і культурны асяродак Стары Двор^[2].

Насельніцтва

Жыхары вёскі этнічныя беларусы, праваслаўныя (прыход Семяноўка^[3]).

Гісторыя

Гісторыя Старога Двору цесна зьвязаная з фальваркамі ў Луцы і Тарнаполю. Пасьля 1787 году, калі маёмасьць набыў Ян Валянцін Вянгэрскі(pl), збудаваў ён новую сядзібу на месцы сёньняшняга Старога Двору. У 1907 годзе сядзіба была купленая мужыком Міколам Рыгаровічам, які і пасяліўся ў ёй^[4]. У міжваенны пэрыяд Стары Двор прыналежаў да гміны Тарнаполь (адміністрацыя гміны знаходзілася ў Луцы Ваўкавыскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 5 жыхароў (усе праваслаўныя беларусы)^[5]. Зараз у Старым Дворы пражывае Іван Рыгаровіч зь сям’ёй — унук Міколы Рыгаровіча^[4]. Побач з хутарам будуецца шмат дачаў.