Ваўкавыскі павет (1921—1939)

Ваўкавы́скі паве́т — былы павет Беластоцкага ваяводзтва Польскай Рэспублікі. Сядзіба — места Ваўкавыск.

Ваўкавыскі рынак у 1920 г.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ваўкавыскі павет (неадназначнасьць).

Ваўкавыскі павет
Powiat wołkowyski
Агульныя зьвесткі
Краіна	Польская Рэспубліка
Статус	павет
Уваходзіць у	Беластоцкае ваяводзтва
Адміністрацыйны цэнтар	Ваўкавыск
Гміна	15 вясковых гмінаў
Дата ўтварэньня	7 чэрвеня 1919
Дата скасаваньня	верасень 1939
Насельніцтва (1931)	171 300
Шчыльнасьць	43 чал./км²
Плошча	3938 км²
Ваўкавыскі павет на мапе Беластоцкага ваяводзтва
Дадатковыя мультымэдыйныя матэрыялы

Мінуўшчына

Створаны на аснове былога Ваўкавыскага павету Гарадзенскай губэрні Расейскай імпэрыі пад праўленьнем Часовага кіраўніцтва прыфрантавымі і этапавымі тэрыторыямі 7 чэрвеня 1919 году^[1]. Ужо 19 лютага 1921 году быў далучаны да Беластоцкага ваяводзтва.

У цяперашні час тэрыторыі павету адносяцца да Ваўкавыскага, Зэльвенскага, Мастоўскага і Сьвіслацкага раёнаў Гарадзенскай вобласьці ды невалікай часткі Пружанскага раёну Берасьцейскай вобласьці Беларусі ды невялікіх часткаў Беластоцкага і Гайнаўскага паветаў Падляскага ваяводзтва Польшчы.

Адміністрацыйна-тэрытарыяльны падзел

Гміны

• Біскупцы — адміністрацыйны цэнтар Ваўкавыск
• Зэльва — адміністрацыйны цэнтар Зэльва
• Зельзін — адміністрацыйны цэнтар Зельзін (скасаваная ў 1922 г. і падзеленая паміж гмінамі: Падароск і Лыскаў)
• Ізабелін — адміністрацыйны цэнтар Ізабелін
• Крамяніца — адміністрацыйны цэнтар Крамяніца
• Лыскаў — адміністрацыйны цэнтар Лыскаў
• Міжрэчча — адміністрацыйны цэнтар Міжрэчча
• Мсьцібаў — адміністрацыйны цэнтар Мсьцібаў
• Падароск — адміністрацыйны цэнтар Падароск
• Пескі — адміністрацыйны цэнтар Пескі
• Поразаў — адміністрацыйны цэнтар Поразаў
• Рось — адміністрацыйны цэнтар Рось
• Славацічы — адміністрацыйны цэнтар Славацічы (скасаваная ў 1922 г. і далучаная да гміны Міжрэчча)
• Сьвіслач — адміністрацыйны цэнтар Сьвіслач
• Сьвянціца — адміністрацыйны цэнтар Сьвянціца (скасаваная ў 1922 г. і падзеленая паміж гмінамі: Біскупцы, Мсьцібаў, Сьвіслач, Поразаў і Ізабелін)
• Тарнаполь — адміністрацыйны цэнтар Лука
• Цярэшкі — адміністрацыйны цэнтар Вярэйкі
• Шылавічы — адміністрацыйны цэнтар Шылавічы (створаная ў 1922 г. з часткі гміны Мсьцібаў)
• Ялаўка — адміністрацыйны цэнтар Ялаўка

Мястэчкі

• Ваўкавыск
• Зэльва
• Сьвіслач

Насельніцтва

Паводле зьвестак перапісу насельніцтва 1921 г. у павеце пражывала ўсяго 115 261 жыхар, з чаго 23 933 (20,76%) беларусы, 80 198 (69,58%) палякаў (выніку перапісу былі фальсіфікаваныя, каб выказаць магчыма вялікую колькасьць палякаў), 10 704 (4,7%) габрэі, 391 немец, 316 (0,7%) расейцаў, 51 (0,2%) украінец (у перапісе былі запісаныя як русіны), 9 летувісаў, 9 татараў, 2 фіны, 2 латышы, 1 француз, 1 швэд ды 10 чалавек зь непазначанай нацыянальнасьцяй. 46,2% (53 308) жыхароў павету былі каталікамі, 41,6%% (47 954) праваслаўнымі, 11,9% (13 672) юдаістамі, 0,2% (260) пратэстантамі, 31 мусульманамі, 26 уніятамі, для 10 веравызнанье невызначанае^[2].

Глядзіце таксама

• Адміністрацыйна-тэрытарыяльны падзел Польскай Рэспублікі (1918—1939)
• Беластоцкае ваяводзтва