Стары Дзедзін

Стары́ Дзе́дзін^[1] — вёска ў Клімавіцкім раёне Магілёўскай вобласьці, на правым беразе ракі Асьцёр, за 4 км на поўнач ад шашы Р43. Стары Дзедзін уваходзіць у склад Кісялёвабудзкага сельсавету.

Стары Дзедзін
Краіна:	Беларусь
Вобласьць:	Магілёўская
Раён:	Клімавіцкі
Сельсавет:	Кісялёвабудзкі
Насельніцтва:	184 чал. (2010)
Часавы пас:	UTC+3
Тэлефонны код:	+375 2244
Паштовы індэкс:	213625
СААТА:	7228820086
Нумарны знак:	6
Геаграфічныя каардынаты:	53°45′48″ пн. ш. 32°5′10″ у. д.
Стары Дзедзін на мапе Беларусі ± Стары Дзедзін Стары Дзедзін
Галерэя здымкаў у Вікісховішчы

Гісторыя

У 1926 годзе жыхар вёскі Трафім Гуткоў адкапаў на ўласным полі гарлач з манэтамі. Скарб аказаўся найкаштоўнейшай знаходкай грошай на тэрыторыі Беларусі ўсіх часоў. Паводле дасьледаваньня, час закапаньня быў ацэнены прыблізна ў прамежку 980—985 гадоў. Гэты час лічыцца прыкладнай датай заснаваньня Старога Дзедзіну^[2].

У 2010 годзе на беразе ракі Асьцёр адбыліся археалягічныя раскопкі, падчас якіх былі знойдзеныя аскепкі керамічных вырабаў. Паводле ацэнак навукоўцаў, людзі жылі ў гэтых мясьцінах ужо 7 тысячаў гадоў таму, што робіць паселішча на месцы цяперашняга Старога Дзедзіну адным з найстаражытных на тэрыторыі Беларусі нароўні зь Юравічамі і Бердыжам^[2].

Насельніцтва

• 2010 год — 184 чалавекі
• 1999 год — 234 чалавекі

Вядомыя выхадцы

• Алесь Пруднікаў — беларускі паэт
• Павал Пруднікаў — беларускі пісьменьнік