Стасеўка (Магілёўская вобласьць)

Ста́сеўка^[1] — вёска ў Бабруйскім раёне Магілёўскай вобласьці. Стасеўка ўваходзіць у склад Вішнёўскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Стасеўка.

Стасеўка
трансьліт. Stasieŭka
Першыя згадкі:	XIX стагодзьдзе
Краіна:	Беларусь
Вобласьць:	Магілёўская
Раён:	Бабруйскі
Сельсавет:	Вішнёўскі
Насельніцтва:	254 чал. (2010)
Часавы пас:	UTC+3
Тэлефонны код:	+375 225
Паштовы індэкс:	213832
СААТА:	7208812061
Нумарны знак:	6
Геаграфічныя каардынаты:	52°58′29″ пн. ш. 29°19′30″ у. д.
Стасеўка на мапе Беларусі ± Стасеўка Стасеўка
Галерэя здымкаў у Вікісховішчы

Гісторыя

У 1844 годзе вёска, 25 двароў, 213 жыхароў, у складзе памешчыцкага маёнтку Каралеўская Слабада Бабруйскага павету Менскай губэрні. У 1909 годзе налічвалася 909 жыхароў, 110 гаспадарак. У 1913 годзе адчыненая земская школа. У 1930 годзе арганізаваны калгас «На варце», меліся кузьня ды млын. У 1986 годзе цэнтар калгасу імя Фрунзэ. Ёсьць майстэрні па рамонце сельскагаспадарчай тэхнікі, цэх па вырабе кошыкаў ды мётлаў, лесапільня, сярэдняя школа, фельчарска-акушэрскі пункт, бібліятэка, аддзяленьне сувязі, ветучастак, 2 крамы. Дом культуры, АТС, КБО.

Каля ўсходняй ускраіны вёскі знаходзіцца Стасеўскае радовішча пяскоў (пэрспэктыўныя запасы 27,3 млн м³).

Насельніцтва

• 2010 год — 254 жыхары
• 2007 год — 338 жыхароў, 157 двароў^[2]
• 1999 год — 387 жыхароў

Пляніроўка

Пляніроўка вёскі квартальная: дзьве галоўныя вуліцы арыентаваныя шыротна, уздоўж ракі, забудаваны двухбакова пераважна драўлянымі дамамі сядзібнага тыпу.

Славутасьці

• Познамэзалітычная стаянка дняпроўска-дзьвінскай культуры за 750 мэтраў на захад ад вёскі, на 2-й надпоплаўнай тэрасе правага берага ракі Бярэзіна^[3].