Суботнік

Суботнік (ад расейскага субботник) — арганізаваная дармавая праца на карысьць грамадзтва, звычайна ў непрацоўны час — суботу, радзей нядзелю (адсюль «нядзельнік», воскресник па-расейску). Суботнікі першапачаткова арганізоўваліся па ініцыятыве працоўных і былі дабраахвотнымі, пазьней праводзіліся па ініцыятыве Камуністычнай партыі і сталі ў большасьці сваёй прымусовымі. Традыцыя камуністычных ці ленінскіх суботнікаў захавалася ў некаторых краінах, напрыклад, у Беларусі. Традыцыйна суботнік асацыюецца зь дзейнасьцю лявіцы — левых партыяў і рухаў.

Камунізм Канцэпцыя Марксісцкая філязофія Клясавая барацьба Інтэрнацыяналізм Камуністычная партыя Ідэалёгіі Марксізм Ленінізм Маоізм Чучхэ Трацкізм Левы камунізм Камуністычны кансіліюм Анархакамунізм Рэлігіёзны камунізм Эўракамунізм Нацыянальны камунізм Інтэрнацыяналы Камуністычная ліга Першы Інтэрнацыянал Другі Інтэрнацыянал Камінтэрн Чацьверты Інтэрнацыянал Асобы Карл Маркс Фрыдрых Энгельс Уладзімер Ленін Роза Люксэмбург Ёсіф Сталін Леў Троцкі Мао Дзэ-дун Іншае Анархізм Антыкамунізм Антыкапіталізм Гісторыя камунізму Дыктатура пралетарыята Дэмакратычны цэнтралізм Камуністычная сымболіка Камуністычныя краіны Крытыка камунізму Левіца Люксэмбургізм Новая кляса Новая левіца Посткамунізм Прымітыўны камунізм Сацыялізм Сацыяльная эканоміка Сталінізм Тытаізм СССР

Гісторыя

Першы суботнік адбыўся 12 красавіка 1919 году ў Маскве па ініцыятыве камуністаў дэпо Масква-Сартыровачная.^[1] Ідэя захапіла У. Леніна, які ўлетку 1919 г. напісаў артыкул «Вялікі Пачын», у якім азначыў і ўхваліў зараджэньне новых рэальных эканамічных зносінаў на шляху да камунізму. Пралетарскі паэт У. Маякоўскі прысьвеціў паэму «Хорошо!» новай зьяве — суботнікам. У 30-я гады 20 стагодзьдзя зьява стала маштабнай, але страціла энтузыязм і дабраахвотны характар, і ператварылася ў прымусова-дабраахвотную зьяву. У СССР суботнікі арганізоўваліся на працягу ўсяго году, але галоўны суботнік прыпадаў на 22 красавіка — дзень нараджэньня Ўладзімера Леніна.

Суботнікі сёньня

Фэномэн суботнікаў абмяжоўваецца былым СССР. Сёньня суботнікі звычайна адбываюцца ў форме ўпарадкаваньня тэрыторыі ці працоўнага месца.