Сымбаль манату

Сымбалі з падобным напісаньнем: ⫙ · ጠ · 爪 · 瓜

Сымбалі з падобным напісаньнем: m

Сы́мбаль мана́ту ці сымба́ль азэрбайджа́нскага мана́ту (₼) — друкарскі сымбаль, які ўваходзіць у блёк «Сымбалі валют» (анг. Currency Symbols) стандарту Юнікод. Выкарыстоўваецца для прадстаўленьня нацыянальнае валюты Азэрбайджану — манату (азэрб. Manat)^[1][2].

Банкнота Азэрбайджану (100 манатаў).

Сымбаль азэрбайджанскага манату
₼
Выява
◄  ¥ ៛ ֏ ﷼ ₼ 𐆖 ₳ ؋ ฿  ►
Іншыя назвы	Сымбаль манату Знак манату Знак азэрбайджанскага манату
Зьвесткі
Тып	сымбаль валюты;
Кадаваньне ISO 4217	AZM (031) раней AZN (944)
Краіна	Азэрбайджан
Назва ў Юнікодзе	manat sign
Юнікод	₼: U+20BC
HTML	₼: ₼
UTF-16	₼: 0x20BC
URL-код	₼: %E2%82%BC
Гісторыя
Варыяцыі	man. m
усе сымбалі · лацінка · кірыліца · грэцкія · дыякрытыкі · валюты · дапамога

Напісаньне

Сымбаль «₼» уяўляе сабой стылізаваную маленькую лацінскую літару «m» у выглядзе паўкола, перакрэсьленага адной вэртыкальнай / дыяганальнай лініяй. Канкрэтнае напісаньне залежыць ад шрыфту, які быў выкарыстаны для вываду сымбаля^[3].

Гісторыя

Сымбаль зьявіўся ў якасьці аднаго з элемэнтаў афармленьня асабовага боку банкноты вартасьцю 100 манатаў, выпушчанай у абарачэньне ў студзені 2006 году^[4]. Дызайн грашовых знакаў і сымбаля нацыянальнае валюты Азэрбайджану быў выкананы аўстрыйскім дызайнэрам Робэртам Калінай, які вядомы таксама распрацоўкай афармленьня апошняй сэрыі аўстрыйскіх шылінгаў і першых эўрабанкнотаў^[5][6][7].

Дызайн сымбаля азэрбайджанскага манату быў натхнёны дызайнам сымбаля эўра (€)^[7]. Ён нагадвае павернуты на 90° знак эўра з адной паласой. Сымбаль манату адлюстроўваецца справа ад сумы ў азэрбайджанскай мове.