Сьцяпан Андруховіч

Сьцяпан Андруховіч (1 студзеня 1909 году (19 сьнежня 1908 году паводле старога стылю), в. Губіна Узьдзенскага раёну — 5 красавіка 1989^[1]) — беларускі жывапісец.

Сьцяпан Андруховіч
Імя пры нараджэньні	Сьцяпан Адамавіч Андруховіч
Дата нараджэньня	1 студзеня 1909(1909-01-01)
Месца нараджэньня	Губіна, Менскі павет, Менская губэрня, Расейская імпэрыя
Дата сьмерці	5 красавіка 1989(1989-04-05) (80 гадоў)
Месца сьмерці	Беларусь
Месца вучобы	Віцебская народная мастацкая вучэльня[d]
Занятак	жывапіс
Сябра ў	Беларускі саюз мастакоў
Плынь	рамантызм
Працы	«Янка Купала з маці» (1951)

Жыцьцяпіс

У 1930 годзе скончыў Віцебскі мастацкі тэхнікум. З 1935 году пачаў выстаўляць свае працы на мастацкіх выставах. Удзельнічаў у Вялікай Айчыннай вайне^[2]. Уступіў у Беларускі саюз мастакоў у 1949 годзе^[1].

Творчасьць

Карціна С. Андруховіча і Г.Бржазоўскага «Янка Купала з маці», 1951 г.

Працаваў у станковым жывапісу. Сярод тэмаў, якія распрацоўваў мастак, — палотны аб рэвалюцыйным руху («Арышт бальшавікоў-падпольшчыкаў» (1940)), жыцьці пасьляваеннай калгаснай вёскі («Веснавая сяўба» (1947), «Калгасны статак» (1950), «Пасьля работы. Гутарка агітатара» (1953), «Коні. На лузе» (1953), «Калгасны табун» («1958»)), лірычныя і індустрыяльныя пэйзажы («Жыта» (1947), «Менскае мора» (1954), «Новалукомль» (1966), «Растворны вузел» (1966), «Кар'ер» (1967), «Пэйзаж з лодкай» (1973), «Перад дажджом» (1975), «Пэйзаж з конямі» (1979) і інш.).^[2]

Андруховіч і Янка Купала

Быў знаёмы зь Янкам Купалам з 1938 году.^[3] Часта бываў у гасьцях у паэта ў доме ў Менску па вул. Кастрычніцкай 40. Выканаў шэраг партрэтаў паэта: 1949 г., палатно, алей, захоўваецца ў Літаратурным музэі Янкі Купалы; 1959 г., палатно, тэмпэра, захоўваецца ў Нацыянальным акадэмічным тэатры імя Янкі Купалы; 1962 г., папера, аловак, захоўваецца ў Літаратурным музэі Янкі Купалы, 1963 г.; палатно, алей, захоўваецца ў Нацыянальным мастацкім музэі Беларусі; 1979 г., палатно, алей, захоўваецца ў Літаратурным музэі Янкі Купалы.^[3]

Найбольш вядомая карціна на купалаўскую тэму — «Янка Купала з маці» (1951 г., алей, разам з Г. Бржазоўскім, захоўваецца ў Літаратурным музэі Янкі Купалы. На карціне Янка Купала са сваёй маці Б.І.Луцэвіч каля дома ў Менску, дзе паэт жыў у 1926—1941 гг.^[3]

Літаратура

• Энцыклапедыя літаратуры і мастацтва Беларусі: У 5-і т.. Т. 1./ Рэдкал.: І.П. Шамякін (гал.рэд.) і інш. — Мн., БелСЭ, 1984. — 727 с., 40 л. іл.: Артыкул «Андруховіч». — С. 115.
• Янка Купала: Энцыкл. даведнік / БелСЭ; Рэдкал.: І. П. Шамякін (гал. рэд.) і інш. — Мн., БелСЭ, 1986. — 727 с, 26 л. іл.; Артыкул «Андруховіч» / Аўтар — Б. Крапак. — С. 41.
• Янка Купала ў выяўленчым мастацтве, 1882-2002: Кат. твораў выяўл. мастацтва Дзярж. літ. музея Я.Купалы / Дзярж. літ. музей Я.Купалы, Міжнар. фонд Я.Купалы; Уклад. Ваданосава Ф. і інш.; Рэдкал.: Дапкюнас Ж. (гал. рэд.), Бурбоўская А. — Мн., 2003.