Сяргей Глябко
беларускі футбаліст From Wikipedia, the free encyclopedia
Remove ads
Сяргей Глябко (нарадзіўся 23 жніўня 1992 году) — беларускі футбаліст, паўабаронца магілёўскага «Дняпра».
Remove ads
Кар’ера
Клюбная
Выхаванец менскай футбольнай школы «Фартуна». З 2009 году выступаў за дубль барысаўскага БАТЭ. У сэзоне 2010 году далучыўся да асноўнага складу БАТЭ, дэбютаваў у чэмпіянаце Беларусі 21 лістапада 2010 году, калі выйшаў на замену ў другім тайме матча БАТЭ — «Шахцёр» (Салігорск). Акрамя гэтага, апынуўся ў заяўцы на гульні Лігі Эўропы з малдаўскім «Шэрыфам» і ўкраінскім «Дынама», аднак на поле гэтак і ня выйшаў. З таго часу да матчаў асноўнай каманды барысаўчанаў не прыцягваўся.
У лютым 2013 году быў аддадзены ў арэнду клюбу «Слуцак». Разам з «Слуцкам» стаў пераможцам Першай лігі 2013 годц. Па заканчэньні сэзону 2014 году вярнуўся ў БАТЭ, але ў лютым 2014 году паўторна апынуўся ў арэндзе ў «Слуцку»[4]. Дэбютны для «Слуцка» сэзон у Найвышэйшай лізе пачынаў, выходзячы на замену, але пазьней здолеў замацавацца ў аснове случакоў. Па заканчэньні сэзону 2014 году вярнуўся ў БАТЭ[5], аднак «Слуцак», які намагаўся падоўжыць супрацоўніцтва, у студзені 2015 году аформіў канчатковы пераход паўабаронцы[6]. На працягу двух гадоў заставаўся асноўным гульцом случакоў. У сьнежні 2016 году пакінуў слуцкі клюб[7].
У студзені 2017 году падпісаў кантракт з «Гарадзеяй»[8]. Пачынаў сэзон 2017 году ў якасьці асноўнага левага паўабаронцы, аднак у чэрвені пачаў толькі выходзіць на замену. У ліпені 2017 году паводле пагадненьня бакоў скасаваў кантракт з «Гарадзеяй»[9] і неўзабаве стаў гульцом сталічнага «Тарпэда»[10], дзе замацаваўся ў асноўным складзе.
У студзені 2018 году далучыўся да клюбу з другога дывізіёна Славаччыны «Партызан» з Бардзеёва. У жніўні 2018 году вярнуўся ў Беларусь і зноў стаў гульцом менскага «Тарпэда»[11]. У ліпені 2019 году далучыўся да «Гомлю»[12], дзе пачаў чаргаваць выхады ў пачатковым складзе і на замену. У студзені 2020 году па заканчэньні кантракта пакінуў «Гомель»[13]. У лютым 2020 году стаў гульцом бабруйскай «Белшыны»[14]. Замацаваўся ў якасьці аднаго з асноўных гульцоў бабруйчанаў, але ня выратаваў каманду ад вылету ў Першую лігу. У сьнежні 2020 году пакінуў «Белшыну»[15].
У студзені 2021 году склаў працоўнае пагадненьне з «Слуцкам»[16]. Пачынаў сэзон 2021 году ў стартавым складзе, а зь ліпеня па верасень адсутнічаў праз траўмы. Пазьней вярнуўся ў асноўны склад. У студзені 2022 году падоўжыў пагадненьне з слуцкім клюбам[17]. Пакінуў «Слуцак» у студзені 2024 году[18]. У лютым 2024 году стаў гульцом магілёўскага «Дняпра»[19].
Міжнародная
Гуляў за юнацкія зборныя Беларусі. 21 студзеня 2012 году дэбютаваў за моладзевую зборную Беларусі ў матчы супраць Таджыкістану на Кубку Садружнасьці 2012 году. У гэтым турніры таксама згуляў у матчы супраць зборнай Летувы. Пазьней прыцягваўся ў зборную цягам 2012 году, але зь пераходам у «Слуцак» перастаў выклікацца.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads