Сяргей Дрозд

Сяргей Дрозд (нарадзіўся 24 чэрвеня 1983 году) — беларускі футбаліст, абаронца клюбу «Маладэчна-2018».

Сяргей Дрозд
Пэрсанальная інфармацыя
Нарадзіўся	24 чэрвеня 1983(1983-06-24)[1] (42 гады) Маладэчна, Менская вобласьць, БССР, СССР
Рост	173 см
Пазыцыя	абаронца
Клюбы
Гады	Клюб	Гульні (галы)¹
2000	Андэрдог	1 (0)
2001—2004	Маладэчна-2018	66 (1)
2005—2007	Хімік	69 (0)
2008	ПМЦ[d]	6 (0)
2008	Хімік	8 (0)
2009—2010	Маладэчна-2018	54 (1)
2011—2014	Слуцак	65 (1)
2015	Хімік	24 (0)
2016—2019	Маладэчна-2018	54 (2)
2019	Андэрдог	12 (1)
2020—2023	Маладэчна-2018	58 (6)

Кар’ера

Выхаванец маладэчанскага футболу, ужо ў веку 18 гадоў дэбютаваў у Найвышэйшай лізе ў складзе мясцовага клюбу. Пасьля сэзону 2004 году, калі «Маладэчна» апусьцілася да Другой лігі, перайшоў у шацілавіцкі «Хімік», дзе гуляў на працягу чатырох гадоў, але зь невялікім перапынкам. У 2009 годзе вярнуўся ў «Маладэчна».

У сэзоне 2011 году перайшоў у «Слуцак», які атрымаў месца ў Першай лізе. Спачатку трывала гуляў у асноўным складзе слуцкага клюбу, але пазьней пачаў радзей зьяўляцца на полі. Тым ня менш, застаўся ў «Слуцку» і пасьля ягонага прасоўваньня ў Найвышэйшую лігу ў 2014 годзе. Першую палову сэзону 2014 году правёў на лаўцы запасных, але пазьней праз траўмы асноўных гульцоў пачаў выходзіць у стартавым складзе на пазыцыі левага абаронцы. У сьнежні 2014 году скасаваў кантракт з «Слуцкам»^[2].

У сакавіку 2015 году далучыўся да шацілавіцкага «Хіміка»^[3]. У сэзоне 2016 году вярнуўся ў «Маладэчна-ДЮСШ-4». Пакінуў маладэчанскую каманду ў ліпені 2019 году і перайшоў у чысьцінскі «Андэрдог». У красавіку 2020 году, пасьля таго як чысьцінскі клюб ня быў дапушчаны да ўдзелу ў Першай лізе, зноў далучыўся да «Маладэчна». Стаў капітанам каманды, у сэзоне 2022 году гуляў за клюб у Першай лізе. У сакавіку 2023 году падоўжыў кантракт з «Маладэчнам»^[4].

Статыстыка

Клюб	Сэзон	Чэмпіянат
		Дывізіён	Матчы	Галы
Хімік Шацілавічы	2015	Першая ліга	24	0
Маладэчна-ДЮСШ-4	2016	Другая ліга	12	2
	2017	Другая ліга	15	0
	2018	Другая ліга	18	0