Сяргей Тарасаў

Сярге́й Васі́льевіч Тара́саў (нар. 20 студзеня 1961 году, Менск) — беларускі археоляг, гісторык, пісьменьнік. Кандыдат гістарычных навук (1992), дацэнт.

Сяргей Тарасаў лац. Siarhiej Tarasaŭ
Дата нараджэньня	20 студзеня 1961(1961-01-20) (64 гады)
Месца нараджэньня	Менск, БССР, СССР
Месца вучобы	МДПІ (1982)
Занятак	археоляг, гісторык, кінасцэнарыст, пісьменьнік
Навуковая сфэра	археалёгія[1], гісторыя[1] і кінасцэнарыстыка[d][1]
Месца працы	Інстытут гісторыі НАН Беларусі Белтэлерадыёкампанія Інстытут парлямэнтарызму і прадпрымальніцтва Музэй гісторыі гораду Менску
Сябра ў	Саюз беларускіх пісьменьнікаў, Міжнародная Рада музэяў, Беларускае добраахвотнае таварыства аховы помнікаў гісторыі і культуры, Беларускі камітэт ICOMOS[d] і Еўрапейская археалагічная асацыяцыя[d]
Навуковая ступень	кандыдат гістарычных навук[d]

Біяграфія

У 1982 годзе скончыў Менскі пэдагагічны інстытут. У 1982—2006 гадох працаваў у Інстытуце гісторы НАН Беларусі, апошнія пяць гадоў загадваў аддзелам археалёгіі сярэдневяковага пэрыяду. У 1987—1999 гадоў быў аўтарам і вядоўцам праграмаў Беларускага тэлебачання: «Крок», «Вецер вандраванняў», «Скарбы беларускай гісторыі», «Кола гадзіны», «Беларуская хата». У 1992 годзе абараніў кандыдацкую дысэртацыю на тэму «Гісторыка-тапаграфічная структура Полацка IX—XVIII стст.».

Дасьледуе археалягічныя помнікі старажытнага Полацку; Верхняга і Ніжняга замкаў, першапачатковага гарадзішча і селішча, Вялікага і Запалоцкага пасадаў паселішча на Востраве ды іншыя. Адкрыў месца знаходжаньня Полацкага пасаду IX—X стагодзьдзяў, некалькіх невядомых раней паселішчаў — спадарожнікаў Полацку XI—XIII стагодзьдзяў. У 1984—1986 гадох удзельнічаў у археалягічным дасьледаваньні менскага Замчышча, гарадзішча на Менцы^[2]. У 2001—2005 гадох дасьледаваў старажытны Менск, рабіў раскопкі і назіраньні на вуліцах Нямізе і Зыбіцкай, у Ракаўскім і Траецкім прадмесьцях.

Навуковыя інтарэсы ў галіне старажытнай архітэктуры XI—XII стагодзьдзяў, урбаністыкі, пашырэньня хрысьціянства, гістарычна-культурных ландшафтаў. Сябра ўправы Беларускага камітэту «ІКАМОС», Эўрапейскай асацыяцыі археолягаў, Саюзу беларускіх пісьменьнікаў, дацэнт і выкладнік Інтытуту парлямэтрарызму і прадпрымальніцтва, сябра Музэю гораду Менску, аўтар звыш 150 навуковых працаў.

Аўтар сцэнарыяў мастацкіх і дакумэнтальных фільмаў: «Иди и смотри», «Пастка для зубра. Вітаўт», «Пастка для зубра. Ягайла», «Да вас, сучаснікі мае», «Званы Сафіі», «Слава Оршы», «Буквар», «Замкі Беларусі», «Беларусь на крыжы вякоў» ды інш.