Сіціла

Сіціла (Шытыла, Сяціла), Жыдзіла (Зыдэль, Жыдзель) — мужчынскае імя і вытворнае ад яго прозьвішча.

Sitil
Паходжаньне
Мова(-ы)	германскія
Утворанае ад	Sito + суфікс з элемэнтам -л- (-l-)
Іншыя формы
Варыянт(ы)	Жыдзіла, Шытыла, Сяціла, Зыдэль, Жыдзель
Зьвязаныя артыкулы
якія пачынаюцца з «Сіціла»

Паходжаньне

Асноўны артыкул: Імёны ліцьвінаў

Сіціл, Сідзіла або Сідзела, пазьней Зыдэль (Sitil, Sidila^[1], Sidela^[2], Siedel^[3]) — імя германскага паходжаньня^[4]. Іменная аснова сід- (сіт-, зыд-) (імёны ліцьвінаў Жыдавін, Сыдэр, Жытмунт; германскія імёны Sidewine, Sidierius, Sidimund) паходзіць ад гоцкага sidus 'звычай, нораў'^[5][6].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Zydel (Zydyl, Sidel, Sidil)^[7].

У Прусіі адзначалася прозьвішча Siedel^[8].

Варыянты імя ў гістарычных крыніцах: у Жидилы куница (1340—1380 гады)^[9]; подле земль Якубовое Зычиловое (5 студзеня 1566 году)^[10]; наробокъ земенина господаръского повету Упитского пана Ивана Бака, двора его Линьковского в повете Упитскомъ лежачого, на име Михайло Венцъкевичъ Жыдель (4 верасьня 1586 году)^[11]; Michayło Siećiło… Michaiło Sieciło (1595 год)^[12]; Siemion Żydel… Illa Żydel (6 студзеня 1700 году)^[13]; Zydele (1744 год)^[14].

Носьбіты

• Жыдзіла — жыхар Ноўгараду, які ўпамінаецца ў XIV стагодзьдзі^[9]
• Мартын Сіціла — жыхар вёскі Задзераў (Горацкае графства), які ўпамінаецца ў 1742 годзе^[15]
• Мацьвей Шытыла — шляхціч з ваколіцаў Расенаў, які меў у валоданьні зямлю на 1889 год^[16]

Шытылы (Szytyło) — прыгонныя зь вёскі Крываносаў, якія ўпамінаюцца ў XIX стагодзьдзі^[17].

На 1892—1909 гады існаваў фальварак (урочышча) Шыталаўшчына (Шытэлеўшчына) у Менскім павеце Менскай губэрні^[18][19].

На 1901 год існавала вёска Сідзелеўка на паўночным захадзе Гараднянскага павету Чарнігаўскай губэрні^[20].