Сіт (імя)

Сіт (Сіць), Сіда (Сідзь), Зыд (Зыдзь, Зыць), Жыд (Жыць) — мужчынскае імя і вытворнае ад яго прозьвішча.

Sito
Паходжаньне
Мова(-ы)	германскія
Іншыя формы
Варыянт(ы)	Сіда, Зыд, Зыдзь, Зыць, Сіць, Сідзь, Жыд, Жыць
Зьвязаныя імёны	Жыдзейка, Сіціла, Зіцін, Жыдавін, Сыдэр, Жытмунт
Зьвязаныя артыкулы
якія пачынаюцца з «Сіт»

Паходжаньне

Асноўны артыкул: Імёны ліцьвінаў

Сіта або Зіта, Сіда або Зіда (Sito, Sido^[1]) — імя германскага паходжаньня^[2]. Іменная аснова сід- (сіт-, зыд-) паходзіць ад гоцкага sidus 'звычай, нораў'^[3][4][a]. Сярод ліцьвінаў бытавалі імёны Жыдзейка (Сядзейка), Сіціла (Жыдзель, Шытыла, Сяціла), Зіцін, Жыдавін, Сыдэр, Жытмунт. Адзначаліся германскія імёны Siddeke, Sitil (Sidila, Siedel), Sittin, Sidewine, Sidierius, Sidimund^[b].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Zydel (Zydyl, Sidel, Sidil), Zydelin (Zydylin, Sydylin, Sidilin), Żydmar (Zydmar, Sidmar)^[10].

У Прусіі бытавала імя Sydder / Szydar^[c] (1398 і 1402 гады)^[12].

У Ноўгарадзе бытавалі імёны Жыдзіла (Жидила), Жыдзена^[d] (Жидена) і Жытабуд^[e] (Житобудъ)^[13].

Варыянты імя ў гістарычных крыніцах: людемъ нашимъ Мерецъкого повета… а Петру Ситевичу (люты 1510 году)^[14]; чоловеков тяглых у Бирштанском повете, на имя Житя Бутеневича (19 траўня 1513 году)^[15]; Жидъ з братом Болтромеемъ (1528 год)^[16]; боярына земли Жомойтъское, волости Тоньдякгольское Петра Жытовича… тотъ боярын Петръ Жытовичъ (20 верасьня 1542 году)^[17]; Micz Zydziewicz… Miliss Zydziewicz… Januss Zydziewicz… Niewier Zydowic (1558 год)^[18]; боярынъ господаръский радуньский Матысъ Жыдовичъ (30 верасьня 1561 году)^[19]; Staniel Żytowicz (1561 год)^[20]; Zydyszki… Sidziewicze (1744 год)^[21]; Jan Jerzy Sitowicz (1800 год)^[22]; Krystyna Sitowicz (1816 год)^[23]; Jakub Sida (1841 год)^[24]; Sidewicz Simon (1922 год)^[25][f].

Носьбіты

• Жыд — пералайскі баярын, які ўпамінаецца ў попісе войска Вялікага Княства Літоўскага 1528 году
• Сэбастыян Янавіч Зыцевіч — упіцкі зямянін, які ўпамінаецца ў 1611 годзе^[34]

На 1906 год існавала вёска Жыцешкі ў Люцынскім павеце Віцебскай губэрні^[35]

На 1909 год існаваў засьценак Сідзевічы ў Менскім павеце Менскай губэрні^[36].

На гістарычнай Ковеншчыне існуе вёска Жытавішкі.

Глядзіце таксама

• Жытомір

Заўвагі

1. Польска-летувіская аўтарка Юстына Вальковяк прызнае брак адэкватнага тлумачэньня іменнай асновы шыд- зь летувіскай мовы^[5]
2. Таксама адзначаліся германскія імёны Sitagellus (Sita-gellus)^[6], Sidgot (Sid-got)^[7], Sidumann (Sidu-mann)^[8], Sitividis (Siti-vidis)^[9]
3. Адзначалася старажытнае германскае імя Sidierius (Seederius)^[11]
4. Адзначалася старажытнае германскае імя Sittin^[2]
5. Адзначалася старажытнае германскае імя Sitipoto^[2]
6. Таксама:

   • Зыдан, Жыдан, Сітань (адзначалася германскае імя Sithuni^[26]): Zydany (1744 год)^[27], Жыдановічы (Żydanowicz) — літоўскі шляхецкі род з Троцкага павету^[28], Сітаневіч (Sitaniewicz) — прозьвішча, зафіксаванае ў XIX стагодзьдзі ў ваколіцах Сувалкаў^[29];
   • Жыдзівіл (адзначалася старажытнае германскае імя Sidivildo^[30]): в Жижморъском волости десяти чоловеков… а Римовида Жидивиловича (14 кастрычніка 1494 году)^[31];
   • Жытаўт (адзначалася старажытнае германскае імя Sidoldus^[1]): въ Высокодворскомъ повете… людеи наших тяглых… а Юшъка Житовътовича (29 траўня 1511 году)^[32], pana Kazimierza Żytowta (5 кастрычніка 1765 году)^[33]