Трашчаткі

Трашчаткі́ (па-польску: Treszczotki, па-падляску: Treščutkí^[2]) — вёска ў Бельскім павеце Падляскага ваяводзтва Польшчы. Знаходзіцца ў гміне Бельск-Падляскі.

Трашчаткі
польск. Treszczotki
Мясцовая назва:	Treščutki
Краіна:	Польшча
Ваяводзтва:	Падляскае
Павет:	Бельскі
Гміна:	Бельск-Падляскі
Насельніцтва:	40 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-100
Нумарны знак:	BBI
Геаграфічныя каардынаты:	52°49′9″ пн. ш. 23°20′17″ у. д.
Трашчаткі на мапе Польшчы Трашчаткі

Ля вёскі працякае рака Локніца.

Насельніцтва

Жыхары вёскі ў большасьці этнічныя беларусы, якія карыстаюцца падляскім дыялектам, праваслаўныя (прыход сьв. Нараджэньня Яна Хрысьціцеля ў Пасынках^[3]). Каталіцкая частка насельніцтва (парафія Божай Маці з Гары Кармэль у Бельску-Падляскім^[4]) па этнічных ідэнтыфікацыях — польская.

Гісторыя

Трашчаткі існавалі ўжо ў 16 ст., калі былі часткай кленіцкай воласьці. На пачатку 17 ст. гэтай вёскай валодалі Лакніцкія з Локніцы, але пасьля вярнулася яна ў каралеўскае ўладаньне. З 1870 году Трашчаткі прыналежаць пасынкоўскай парафіі (раней праваслаўныя вернікі маліліся ў кленіцкай царкве^[5]. У міжваенны пэрыяд Трашчаткі прыналежалі да гміны Пасынкі Бельскага павету Беластоцкага ваяводзтва. Паводле польскага перапісу насельніцтва 1921 г. пражывалі тут 45 жыхароў (усе праваслаўныя, але пагалоўна запісаныя палякамі)^[6]. Пасьля Другой сусьветнай вайны Трашчаткі былі далучаныя да гміны Бельск-Падляскі.