Урэцкі сельсавет

Урэ́цкі сельсавет — адміністрацыйна-тэрытарыяльная адзінка ў складзе Любанскага раёну Менскай вобласьці. Адміністрацыйны цэнтар — мястэчка Ўрэчча.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Урэцкі сельсавет (Слуцкі раён).

Урэцкі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Урэчча
Дата ўтварэньня	29 верасьня 2006
Насельніцтва	▲3200 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

20 жніўня 1924 году створаны Ўрэцкі сельсавет у складзе Слуцкага раёну Слуцкай (з 9 чэрвеня 1927 году — Бабруйскай) акругі. Пасьля скасаваньня акруговай сыстэмы, 26 ліпеня 1930 году ў Слуцкім раёне БССР. З 21 чэрвеня 1935 году ў Слуцкім раёне Слуцкай акругі. Пасьля ўвядзеньня абласнога падзелу, 20 лютага 1938 году ў Слуцкім раёне Менскай вобласьці. 23 чэрвеня 1940 году гарадзкі пасёлак Урэчча выдзелены з складу Ўрэцкага сельсавету, які быў перайменаваны ў Тэльманаўскі зь пераносам цэнтра ў вёску Паўстынь.

16 ліпеня 1954 году ў адміністрацыйнае падпарадкаваньне Урэцкага пассавету перададзены населеныя пункты скасаванага Тэльманаўскага сельсавету^[1].

Пасялковы савет уваходзіў у склад Слуцкага (з 25 сьнежня 1962 году — Любанскага^[2]) раёну Менскай (з 20 верасьня 1944 году да 8 студзеня 1954 году — Бабруйскай) вобласьці^[3].

29 верасьня 2006 году Ўрэцкі пасялковы савет ператвораны ў сельсавет; у склад Урэцкага сельсавету перададзеныя ўсе населеныя пункты — вёскі Дарасіно, Замошша, Ляскі і пасёлак Хацінава — ліквідаванага Дарасінскага сельсавету^[4].

Насельніцтва

Паводле перапісу 2009 году ў сельсавеце (без Урэчча) налічвалася 810 чалавек^[5], зь іх 92,8 % — беларусы^[6].