Ўэйн Брыдж

Ўэйн Брыдж (па-ангельску: Wayne Bridge; нар. 5 жніўня 1980 году) — ангельскі футбаліст, які гуляў на пазыцыі абаронцы. За нацыянальную зборную Ангельшчыны правёў 36 матчаў і толькі ў адным зь іх адзначыўся голам. Выпускнік акадэміі «Саўтгэмптану», дзе ён дэбютаваў у 1998 годзе, таксама гуляў за «Чэлсі» й «Фулгэм» падчас сваёй кар’еры.

Ўэйн Брыдж
Пэрсанальная інфармацыя
Нарадзіўся	5 жніўня 1980(1980-08-05)[1][2][3] (45 гадоў) Саўтгэмптан, Гэмпшыр, Вялікабрытанія[4]
Рост	178 см
Пазыцыя	скрайні абаронца
Клюбы
Гады	Клюб	Гульні (галы)¹
1998—2003	Саўтгэмптан	151 (2)
2003—2009	Чэлсі	87 (1)
2006	→ Фулгэм	12 (0)
2009—2013	Манчэстэр Сіці	42 (0)
2011	→ Ўэст Гэм Юнайтэд	15 (0)
2012	→ Сандэрлэнд	8 (0)
2012—2013	→ Брайтан энд Гоўв	37 (3)
2013—2014	Рэдынг	12 (0)
Зборныя
1998—1999	Ангельшчына (да 18)[d]	3 (0)
1999—2001	Ангельшчына (да 21)[d]	8 (0)
2002—2009	Ангельшчына	36 (1)

Нягледзячы на тое, што ён не рэгулярна выходзіў у складзе зборнай, Ўэйн мае на сваім рахунку 36 матчаў за нацыянальную зборную Ангельшчыны, у тым ліку значыўся ў сьпісе гульцоў Ангельшчыны на двух чэмпіянатах сьвету. Спыніў сваю міжнародную кар’еру 25 лютага 2010 году, пасьля меркаванага раману паміж ягонай экс-сяброўкай і капітанам зборнай Ангельшчыны Джонам Тэры^[5].

Біяграфія

«Саўтгэмптан»

Брыдж нарадзіўся ў Саўтгэмптане, але пераехаў разам з бацькамі ў Ўінчэстэр у раньнім узросьце, аднак сувязі з горадам не парваў. Ўэйн з раньніх гадоў наведваў футбольную акадэмію «Саўтгэмптану». За які ў дэбютаваў у 1998 годзе.

«Чэлсі»

Яшчэ адзін, нараўне з Эшлі Коўлам, левы абаронца зборнай Ангельшчыны ў складзе «Чэлсі». Прыйшоў у клюб у 2003 годзе з «Саўтгэмптану» і па выніках сэзону 2003/04 быў уключаны ў сымбалічную зборную. Адносіны з галоўным трэнэрам клюбу Жазэ Маўрынью складаліся не заўсёды гладка, таму другую палову сэзону 2005/06 Ўэйн правёў у арэндзе ў «Фулгэме».

У сэзоне 2006—2007 гадоў з прыходам Эшлі Коўла сытуацыя з гульнявой практыкай для Ўэйна зноў ускладнілася, хоць у першых матчах ён праявіў сябе цудоўна. У бягучым сэзоне Ўэйн практычна забраў сабе статус асноўнага левага фул-бэка, тым самым пасадзіўшы Эшлі Коўла на зэдаль. Гэта ўсё тлумачыць тое, што Брыдж больш атлетычны, меней падатлівы ў адзінаборствах, а таксама валодае вялікай разнастайнасьцю ў нападах.