Касьцёл Найсьвяцейшай Тройцы (Віцебск)

Касьцёл Найсьвяцейшай Тройцы (Фарны) — помнік архітэктуры XVIII стагодзьдзя ў Віцебску. Знаходзіўся на левым беразе ракі Дзьвіны, на месцы былога рамесьніцка-гандлёвага пасада Ніжняга Замка, побач з царквой Зьвеставаньня Багародзіцы. Дзеяў да першай паловы XIX ст. Твор архітэктуры віленскага барока.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Найсьвяцейшай Тройцы.

Помнік сакральнай архітэктуры
Касьцёл Найсьвяцейшай Тройцы
Фарны касьцёл
Краіна	Беларусь
Места	Віцебск
Каардынаты	55°11′31.1″ пн. ш. 30°12′02.3″ у. д.
Архітэктурны стыль	барокавая архітэктура[d]
Дата заснаваньня	XVIII ст.
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы
Касьцёл Найсьвяцейшай Тройцы на Вікісховішчы

У другой палове XIX ст. касьцёл да непазнавальнасьці перабудавалі расейскія ўлады, а ў 1950-я рокі помнік канчаткова зруйнавалі бальшавікі. Да нашага часу захаваліся падмуркі.

Гісторыя

Вялікае Княства Літоўскае

Мураваны касьцёл збудавалі як парафіяльны ў 1749 року, пры ім была драўляная плябанія. Пазьней належаў да кляштару марыявітак^[1].

Пад уладай Расейскай імпэрыі

Па першым падзеле Рэчы Паспалітай (1772 рок), калі Віцебск апынуўся ў складзе Расейскай імпэрыі, касьцёл працягваў дзеяць. Па здушэньні вызвольнага паўстаньня (1830—1831) у 1842—1844 роках расейскія ўлады зачынілі касьцёл з прычыны ягонага блізкага разьмяшчэньня да царквы Зьвеставаньня Багародзіцы^[2]. Неўзабаве помнік часткова зруйнавалі (разабралі вежы).

У 1862—1903 роках у будынку колішняга касьцёла месьціўся Віцебскі цэнтральны архіў даўніх актаў, архіў губэрнскай управы, архіў канцылярыі генэрал-губэрнатара.

Найноўшы час

Будынак касьцёла пацярпеў у Другую сусьветную вайну. У канцы 1950-х — пачатку 1960-х рокаў помнік зруйнавалі савецкія ўлады.

Архітэктура

Касьцёл — помнік архітэктуры віленскага барока. Гэта была 3-нэфавая 2-вежавая базыліка. Галоўны фасад падзяляўся пілястрамі і карнізнымі пасамі на тры ярусы і пяць праслаў. Яго завяршаў фігурны франтон, абапал якога ўзвышаліся 5-ярусныя шатровыя вежы^[1].

Галерэя

Гістарычная графіка

• Старая графіка
• 
  Ю. Пешка, каля 1800 р.
• 
  З боку Заручаўя. Ю. Пешка
• 
  За мостам, 1865 р.

• 
  Агульны выгляд, 1868 р.
• 
  Малюнак У. Баярскага, 1884 р.
• 
  Па перабудове. Н. Орда, 1875—1876 рр.

Гістарычныя здымкі

• Старыя здымкі
• 
  Фрагмэнт здымка, 1860-я рр.
• 
  Паштоўка, 1904 р.
• 
  Паштоўка, 1905 р.
• 
  Паштоўка, 1909 р.

• 
  Паштоўка, 1909 р.
• 
  Паштоўка, 1912 р.
• 
  Паштоўка, 1912 р.
• 
  С. Пракудзін-Горскі, 1912 р.

• 
  Паштоўка, да 1918 р.
• 
  1939 р.
• 
  1941 р.
• 
  1943 р.