Фёдар Архіпенка

Фёдар Фёдаравіч Архіпенка (нарадзіўся 30 кастрычніка 1921, в. Аўсімавічы, Бабруйскі раён) — Герой Савецкага Саюзу.

Фёдар Архіпенка
Род дзейнасьці	Герой Савецкага Саюзу
Дата нараджэньня	30 кастрычніка 1921
Месца нараджэньня	Аўсімавічы, Бабруйскі раён
Дата сьмерці	28 сьнежня 2012(2012-12-28) (91 год)
Месца сьмерці	Масква, Расея
Месца пахаваньня	Траякураўскія могілкі[d]
Месца вучобы	Вайскова-паветраная акадэмія імя Юрыя Гагарына[d]
Занятак	вайсковец
Узнагароды

Біяграфія

У 1938 скончыў сярэднюю школу і аэраклюб. У тым жа годзе быў прызваны ў Чырвоную Армію. У 1940 скончыў Адэскую ваенную школу пілётаў.

У нямецка-савецкую вайну з чэрвеня 1941 на Паўднёва-Заходнім, Заходнім, Бранскім, Сталінградзкім, Варонескім, 2-м і 1-м Украінскіх франтах, лётчык-зьнішчальнік. Удзельнік абароны Ковеля, Роўна, Наваград-Валынскага, Кіева, Харкава, Варонежа, баёў пад Сталінградам, на Курскай дузе, за вызваленьне Украіны, Малдовы, Польшчы, Прагі, штурму Бэрліна. Па стане на травень 1945 зьдейсьніў 467 баявых вылетаў, правёў 102 паветраныя баі і асабіста зьнішчыў 30 варожых машын, а яшчэ 14 — у групавых баях.

Да 1959 служыў у Савецкай Арміі, палкоўнік. Скончыў Вайскова-паветраную акадэмію (1951). У 1968 скончыў Маскоўскі інжынэрна-эканамічны інстытут. Жыў у Маскве.

Узнагароды

• Герой Савецкага Саюзу (27 чэрвеня 1945),
• ордэн Леніна,
• тры ордэны Чырвонага Сьцяга,
• ордэн Айчыннай вайны І і ІІ ступені,
• ордэн Чырвонай Зоркі,
• мэдалі.

Літаратура

• Архіпенка Фёдар Фёдаравіч // Памяць. Бабруйскі раён. — Мн., 1998. — С. 244—245.
• Архипенко Ф. Ф. // Герои Советского Союза: Краткий биогр. словарь. Т. 1. — М., 1987. — С. 81.
• Архипенко Фёдор Фёдорович // Навечно в сердце народном: Справочник. — Мн., 1984. — С. 32.
• Бортнікаў Г. Жыццё — подзвіг // Трыбуна працы. — 1986. — 7 кастр.
• Бортнікаў Г. Чацвёрты ордэн героя // Трыбуна працы. — 1987. — 10 верас.
• Гарэлік А. Двое з адной вёскі // Звязда. — 1982. — 16 снеж.
• Горелик А. Воспоминания о земляке-герое // Трыбуна працы. — 2001. — № 26. — С. 3.
• Дзёрзкасць плюс уменне // Магілёўская праўда. — 1970. — 17 верас.
• Кобля С. Герой — наш зямляк // Камуніст. — 1974. — 9 мая.
• Освободители Бобруйщины // Трыбуна працы. — 1991. — 8 мая.
• Хейман З. Семейная черта // Сов. Белоруссия. — 1985. — 5 сентября.

Вонкавыя спасылкі

• Армія Бабруйскага раёна(недаступная спасылка)