Фікрэт Аміраў

Фікрэ́т Амі́раў (па-азэрбайджанску: Fikret Amirov; 22 літапада 1922, Гянджа — 20 лютага 1984, Баку) — азэрбайджанскі кампазытар савецкага пэрыяду. Аміраў вырас у атмасфэры азэрбайджанскай народнай музыкі. Ягоны бацька, Машадзі Джаміль Аміраў, быў вядомым сьпеваком мугамаў і кампазытарам, у тым ліку ў опэры «Сэйфальскі мюльк» 1915 году. У дзяцінстве і раньнім юнацтве Фікрэт пачаў складаць п’есы для фартэпіяна. Па заканчэньні Гянджынскага музычнага каледжу Аміраў паступіў у Азэрбайджанскую дзяржаўную кансэрваторыю, цяпер вядомую як Бакінская музычная акадэмія, дзе быў вучнем Барыса Зэйдмана і Ўзэіра Гаджыбэкава. У 1941 годзе падчас Другой сусьветнай вайны 19-гадовы Аміраў на той момант быў прызваны ў склад савецкага войска. Быў паранены пад Варонежам, шпіталізаваны і дэмабілізаваны з ваеннай службы, вярнуўшыся ў Баку, каб працягнуць навучаньне ў Азербайджанскай дзяржаўнай кансэрваторыі. На музыку Амірава моцна паўплывалі азэрбайджанскія народныя мэлёдыі. Ён стварыў новы жанр — сымфанічны мугам. Сымфанічныя мугамы Амірава былі заснаваныя на клясычных народных творах і выконваліся многімі вядомымі сымфанічнымі аркестрамі па ўсім сьвеце, напрыклад, Г’юстанскім сымфанічным аркестрам пад кіраўніцтвам Леапольда Стакоўскага.

Фікрэт Аміраў
па-азэрбайджанску: Fikrət Məşədi Cəmil oğlu Əmirov
Дата нараджэньня	22 лістапада 1922(1922-11-22)[1]
Месца нараджэньня	Гянджа, Азэрбайджанская Савецкая Сацыялістычная Рэспубліка, ФСССРЗ
Дата сьмерці	20 лютага 1984(1984-02-20)[2][3][4] (61 год)
Месца сьмерці	Баку, Азэрбайджанская Савецкая Сацыялістычная Рэспубліка, СССР
Месца пахаваньня	Алея ганаровага пахаваньня[d]
Месца вучобы	Бакінская музычная акадэмія
Занятак	кампазытар
Сябра ў	Саюз кампазытараў СССР[d]
Жанры	опэра, сымфонія, сымфанічны мугам[d], балет, м’юзыкал і раманс[d]
Інструмэнты	фартэпіяна
Бацька	Машадзі Джаміль Аміраў[d]
Маці	Дурдана Амірава[d]
Дзеці	Джаміль Аміраў[d] і Сэвіл Амірава[d]
Узнагароды
Подпіс
Фікрэт Аміраў у Вікісховішчы