Хобіт (кінатрылёгія)

«Хо́біт» (па-ангельску: The Hobbit) — эпічная фэнтэзійна-прыгодніцкая кінатрылёгія рэжысэра Пітэра Джэксана паводле раману Джона Рональда Руэла Толкіна «Хобіт» (1937). Назвы частак сэрыі: «Нечаканае падарожжа», «Цмокава пустэча» і «Бітва пяці войскаў», выйшлі ў 2012, 2013 і 2014 роках адпаведна.

Хобіт
The Hobbit
Жанр	фэнтэзійны фільм
Рэжысэр	Пітэр Джэксан
Сцэнарыст	Фрэн Ўолш Філіпа Боенз Пітэр Джэксан Гільерма дэль Тора
Заснаваны на	Хобіт, або Туды і назад
Прадусар	Пітэр Джэксан Фрэн Ўолш Карэлайн Канінггэм Зэйн Ўайнэр
У ролях	Ен Макелен Мартын Фрымэн Рычард Эрмітэдж Эндзі Сэркіс Бэнэдыкт Камбэрбэтч
Кампазытар	Гаўард Шор
Апэратар	Эндру Лэсьні
Мантаж	Джэйбз Ольсэн
Вытворчасьць	New Line Cinema Metro-Goldwyn-Mayer[1] WingNut Films
Распаўсюд	Warner Brothers[d]
Дата выхаду	«Нечаканае падарожжа»: 14 сьнежня 2012 «Цмокава пустэча»: 13 сьнежня 2013 «Бітва пяці войскаў»: 11 сьнежня 2014
Працягласьць	203 хвіліна
Краіна	Новая Зэляндыя Вялікабрытанія ЗША
Мова	ангельская
Бюджэт	$745 млн[2][3][4]
Прыбытак	$1 975 370 423
Папярэдні	трылёгія «Ўладара пярсьцёнкаў»[d]
Афіцыйны сайт

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Хобіт (неадназначнасьць).

Падзеі сэрыі разгортваюцца ў Міжзем’і за 60 гадоў да трылёгіі Джэксана «Ўладар пярсьцёнкаў», якая выйшла на экраны раней. Хобіт Більба Торбінс (Марцін Фрымэн) пад уплывам чараўніка Гэндальфа (Ен Маккелен) далучаецца да кампаніі гномаў на чале з Торынам Дубатарчам (Рычард Армітэдж у паходзе да Адзінокай гары, каб адваяваць яе ў цмока Драка (Бэнэдыкт Камбэрбэтч). Фільм мае і староньнія эпізоды, ня ўключаныя ў кнігу, напрыклад Гэндальфавы вышукі ў Дол Гулдуры, прага помсты оркаў Азога і Болга. Сярод іншых актораў, якія здымаліся ў фільме, Джэймз Нэсбіт, Кен Стот, Эванджэлін Лілі, Лі Пэйс, Люк Эванс; некаторыя акторы здымаліся і ва «Ўладары пярсьцёнкаў»: Кэйт Бланшэт, Арланда Блум, Ен Голм, Крыстафэр Лі, Г’юга Ўівінг, Элайджа Вуд, Эндзі Сэркіс.

Прэм’ера першай часткі трылёгіі — «Хобіт: Нечаканае падарожжа» — адбылася 28 лістапада 2012 году ў Новай Зэляндыі^[5], дзе адбываліся здымкі фільму. Другі фільм упершыню быў паказаны ў «Dolby Theatre» у Лос Анджэлесе 2 сьнежня 2013.

Акторы

• Мартын Фрымэн у ролі маладога Більба Торбінса
• Ен Макелен у ролі Гэндальфа Сівога
• Рычард Эрмітэдж у ролі Торына Дубатарча
• Ен Голм у ролі старога Більба Торбінса
• Эндзі Сэркіс у ролі Глыксу
• Бэнэдыкт Камбэрбэтч у ролі Смога і нэкраманта^[6]
• Грэхэм Мактавіш у ролі Дваліна:^[7]
• Кен Стот у ролі Баліна
• Крыстафэр Лі ў ролі Сарумана Белага
• Г’юга Ўівінг у ролі Эльранда
• Кейт Бланшэт у ролі Галядрыелі
• Сыльвэстар Маккой у ролі Радагаста Карычневага
• Элайджа Ўуд у ролі Фрода Торбінса
• Арланда Блум у ролі Ляголаса^[8]

Здымкі

Здымкі пачалаіся 21 сакавіка 2011 у Вэлінгтане, пэўныя дэкарацыі былі створаныя ў студыі «Wellington Stone Street», у месьце Матамата й іншых мясцовасьцях Новай Зэляндыі^[9]. Асноўная частка матэрыялу была зьнятая да 6 ліпеня 2012 року^[10]. У траўні 2013 пачаліся дадатковыя здымкі для другой і трэцяй частак^[11].

Глядзіце таксама

• Фільм 1977 року