Церахоўка (Магілёўская вобласьць)

Церахо́ўка^[4] — вёска ў Сьвенскім сельсавеце Прапойскага раёну Магілёўскай вобласьці Беларусі. За 20 км ад Прапойску. Насельніцтва — 105 чалавек (2011). Побач зь вёскай пачынаецца рака Пацэя.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Церахоўка.

Церахоўка
трансьліт. Cierachoŭka
Першыя згадкі:	1884
Краіна:	Беларусь
Вобласьць:	Магілёўская
Раён:	Прапойскі
Сельсавет:	Сьвенскі
Вышыня:	142[1] м н. у. м.
Насельніцтва:	105 чал. (2011)[2]
Часавы пас:	UTC+3
Тэлефонны код:	+375 2246
Паштовы індэкс:	213260[3]
Нумарны знак:	6
Геаграфічныя каардынаты:	53°20′4.6″ пн. ш. 30°54′6.5″ у. д.
Церахоўка на мапе Беларусі ± Церахоўка Церахоўка

Гісторыя

Назва паходзіць ад імя Церах. Паводле паданьня, вёска атрымала назву ад імя панскага арандатара (рандаціля), які арандаваў у пана зямлю зь вёскай. У 1884 годзе ў Бычанскай воласьці Быхаўскага павету, 65 двароў, у тым ліку 1 кавальскі, 261 жыхар, жыхары 3 двароў у адыходніцтве, хлебазапасны магазін. У 1910 годзе належала Церахоўскаму сельскаму таварыству, 95 двароў, 672 жыхары. Адносілася да Гайшынскага праваслаўнага прыходу. У 1912 годзе існавала аднаклясная царкоўна-прыходзкая школа. У 1926 годзе — 825 жыхароў. У 1961 годзе ў складзе Гайшынскага сельсавету^[5]. 23 сьнежня 2009 году перададзеная з Васькавіцкага ў Сьвенскі сельсавет^[6].

Насельніцтва

• 2010 год — 108 чалавек
• 2007 год — 61 двор, 124 чалавекі^[7]
• 1999 год — 154 чалавекі
• 1926 год — 825 чалавек^[5]