Цітаўка (рака)

Ці́таўка — рака ў Беларусі, правы прыток ракі Сьвіслачы (басэйн Дняпра). Цячэ ў Пухавіцкім раёне Менскай вобласьці. Даўжыня 33 км. Плошча вадазбору 372 км². Выдатак вады ў вусьці 2,16 м³/с. Сярэдні нахіл воднай паверхні 0,3‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Цітаўка.

Рака

Цітаўка лац. Citaŭka
Агульныя зьвесткі
Выток	з ракі Пцічы
Вусьце	Сьвіслач
Краіны басэйну	Беларусь
Вобласьці	Менская вобласьць
Даўжыня	33 км
Сярэднегадавы сьцёк	2,16 м³/с
Плошча басэйну	372 км²
Нахіл воднай паверхні	0,3 ‰
Галерэя здымкаў у Вікісховішчы

На рацэ стаяць места Мар’іна Горка і гістарычнае мястэчка Пухавічы.

Агульныя зьвесткі

Пачынаецца з ракі Пцічы за 1,5 км на паўднёвы ўсход ад вёскі Русаковічаў, вусьце ў вёсцы Пухавічах. Цячэ заходняй ускраінай Цэнтральнабярэзінскай раўніны.

Даліна ў верхняй і сярэдняй плыні невыразная, у нізоўі трапэцападобная або скрынкападобная з стромкімі схіламі. Абалона ў верхняй і сярэдняй плыні адсутнічае, у ніжняй вузкая, месцамі адсутнічае, шырынёй 0,5—0,8 км. Рэчышча (шырыня ад 10 м да 20 м) ад вытоку да вёскі Загаю на працягу 16 км каналізаванае^[1].